ULANGAN 28:30 - Alkitab Singog In Mongondow Masa In Tanaa

³⁰ Aka moiko diá motoindudui kon i Tuhan Allahmu, tanaa mita in moiuma kon inimu: Moiko in mongantangbí, táe intaubí ibanea in mobuḷoi kon i kantangmu. Moiko in moposindogbí in baḷoi, táe diábí utunanmu intua. Moiko in momuḷabí kon gobá in anggurmu táe diábí moikaan kon bungainea mita.

ULANGAN 28:30 Referans Kwoze

AMOS 5:11

Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

YEREMIA 8:10

Tuamai Akuoi in mobogoidon in gobá monia kon i togi butá ibanea, bo ki buḷoi monia kon intau ibanea. Mosia komintan, moḷoben andeka mointok, motayak kon kauntungan pongin aid inta diá motuḻid. Nodapot in nabi bo imang in monguboḷ doman kon intau.

AYUB 31:10

dá pomayádon mako in ki buḷoiku modungú kon kaanon in intau ibanea; bo pomayádon mako in ḷoḷaki ibanea in mosiug takinnea.

ZEPANYA 1:13

Kapunyaan monia in agowonbí bo baḷoi mita monia in rimumudon. Mosia in mobaḷoibí, táe diábí koutunannea. Mosia in momuḷabí kon anggur táe diábí moiinum kon tubignea.”

MIKHA 6:15

Moiko in moponimboibí in gandum, táe diábí mokoyut kon bungainea. Moiko in mogaidbí kon ḷana nongkon bungai in zaitun, táe diábí mokopomaké kon ḷananea. Moiko in momugutbí kon anggur, táe diábí moiinum kon tua.

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

OMBAḶ 5:2

Kapunyaan budel nami in noiḷabú kon ḻima in intau ibanea, baḷoi mita nami in inutunan in intau ango-angoi.

YEREMIA 12:13

Umat-Ku in momuḷa kon gandum, táe dugidon in sinipú. Mosia in rumoriga in mogaid táe diá in bungai in siniḷopíannea. Akuoi in sinumorú totok dá bungai in boyó monia diá nopia.”

AYUB 3:18

Bo intau inta dinakop in moiḷuatdon, moiḷuatdon kon guak in moḷoḷukad mita.

ULANGAN 28:31

Sapimu in ratáanbi kon tayowonmu, táe moiko in diábí moikaan kon tapúnea. Keledaimu mita in tokougutondon mayá bo tongádon indoian mako monimu bo diá bidon pobuion. Dombamu mita in ogoi kon musungmu mita bo diábí in motuḷung.

SAMUEL 2 12:11

Akuoi in mongibot kon mopoumabí in bodito kon inimu inta mamangoi nongkon motoḷuadímu tontaní. Gamáan-Kubí in ki buḷoimu mita koonto-ontongmu mako bo ogoi-Ku kon intau ibanea inta mosiug takin monia kon dodai in singgaipa.

YEREMIA 6:12

Baḷoi monia in ogoibí kon intau ibanea, natua doman in gobá bo buḷoi bobay mita monia. Intau mita kon butá tanaa in hukumon-Ku.

AYUB 20:18

Bayongan in kauntungannea musti pobuionnea; onu inta siniḷopíannea diábí konanamannea.

YESAYA 62:8

Ki Tuhan in nodandidon takin ibot bo mopobayábí intua pinongin kawasa-Nea: “Akuoi in diá bidon mobogoi in gandummu kon musung; intau ango-angoi in diá bidon monginum kon anggurmu inta nouḻímu takin irumoriga.

OMBAḶ 5:11

Bobay mita kon Sion dinomok, mongodeaga mita in pinomia ibo-ibog kon ḻipú mita kon Yohuda.

HABAKUK 3:17

Umpaka pangkoi in ara diá in bungainea bo pangkoi in anggur diá in anggurnea, umpaka bungai in zaitun diá in notuoi bo bungai in gandum kon gobá mokokudai kon gina, umpakabí domba mita minatoidon komintan bo kobang in bobiagon diá in bonunea,