ULANGAN 28:17 - Alkitab Singog In Mongondow Masa In Tanaa

¹⁷ Kinutuk in boyó in gandummu bo kaanon inta pinomia nongkon gandum tatua.

ULANGAN 28:17 Referans Kwoze

HAGAI 1:6

Moiko in noponimboidon in nobarong in bibit, táe bungai in boyómu tongá topiḻik. Oyúon in kaanon monimu, táe diá mokobotug kon sianmu. Oyúon in anggur kon i monimu, táe diá mokoorop kon ginamu. Oyúon in ḷambung monimu, táe diá mokoinggamá kon tumpingmu. Bo tondan in pinogaidan in mogogaid in diá tugat pakéon kon kobiagan monia moiduduimai.

ULANGAN 28:5

Barakatan in pinosipunan monimu kon bungai in gandummu takin kaanon inta pinomia monimu nongkon gandum tatua.

LUKAS 16:25

Táe ki Abraham in notubag, ‘Uḻe, toropdon adíku: iko aindon nokorasa kon bayongan inta mopira wakutu iko nobiagpa kon dunia, táe ki Lazarus naa in tongábí nokorasa kon bayongan inta diá mopia. Manangka intua tanaa mako sia in mokouḻí kon inta mopia kon naa. Yo iko in mokouḻí kon roriga.

MALEAKHI 2:2

Horomatdon in Akuoi pongin aidmu. Aka moiko doí mokidongog kon tosingogon-Ku, moiko in kutukon-Ku. Bayongan inta tarimaan monimu saḷaku rijiki in mobaḷuidon kutuk. Totuubí, bayongan inta mopia in kinutuk-Kudon, popisí in moiko in doí mopandungmai kon parenta-Ku.

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

MAZMUR 69:22

Nodapotbí in kaanonku binaukan in rasum; kon dodai in norogang, akuoi inogoian in cuka sin inumon.

ULANGAN 28:18

Kinutuk in moiko, dá tongádon topiḻik in adímu, bungai in boyómu, takin sapi bo bembé dombamu.