ULANGAN 27:26 - Alkitab Singog In Mongondow Masa In Tanaa

²⁶ ‘Kinutuk in intau inta diá nogintompod kon hukum bo totundú i Allah kon bonu in dodianea.’ ‘Amin!’ ”

ULANGAN 27:26 Referans Kwoze

GALATIA 3:10

Sin intau inta nobiag bo tantú dinumudui kon hukum i Musa, komintanbí nobiag kon bonu in kutukan. Sin kon Buk Motusi ain pinais, “Intau inta diá mosatia in dumudui kon bayongan inta ain pinais kon buk in hukum i Musa, yo kutukon i Allah!”

SURAT I PAULUS KON JAMAAT RUM 10:5

Ki Musa in nomais nanaa, Intau inta ain noyodame bui i Allah inta pinodoyon kon hukum in agama, in nobiag sin motoindudui kon hukum in agama tatua.

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

MAZMUR 119:21

Iko in monoboḷow kon intau inta moḷoḷatú, bo nongutuk kon intau inta sinumabat kon parenta-Mu.

KORINTUS 1 16:22

Intau inta diá motabi kon i Tuhan, pomayádon mako baḷáan! Maranatha – Tuhan nami, angoidon!

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

ULANGAN 27:15

Intau mita in Lewi: ‘Kinutuk in intau mita inta mogaid kon patong nongkon batu, kayu ande logam, bo sumbaannea umado-adop; ki Tuhan in doíbí kon posumbaan kon toḻindua in Allah!’ Bayongan rayat: ‘Amin!’

KORINTUS 2 3:9

Sin aka dodandian inta mobogoi in hukuman kon intau bo totok in mobayag, yo tantú moiḻiubí totok kon tua in bayag mopia kon dodandian inta monompia bui kon hubungan in intau bo i Allah.

DATU MITA 2 22:13

“Bayádon poḻibó kon i Tuhan sin kopontinganku bo kopontingan in bayongan in rayat in Yohuda soaḷ tombonu in buk tanaa. Ki Tuhan in sinumorú kon i naton sin mogoguyang naton in diá nopobayá in parenta mita inta pinais kon bonunea.”

EZRA 7:26

Pomuḷoi in intau inta doí dumudui kon Hukum mita i Allah i Utat, andeka hukum mita in dodatuan, mustibí ḷagi hukumon matoi andeka ḷumbúon, andeka gamáan in kapunyaannea, andeka bonuon kon ponjara.”