ULANGAN 27:20 - Alkitab Singog In Mongondow Masa In Tanaa

²⁰ ‘Kinutuk in intau inta mopoompámai kon i amánea popisí in nosiugdon takin buḷoi tobatú i amánea.’ ‘Amin!’

ULANGAN 27:20 Referans Kwoze

ULANGAN 22:30

Diábí tobatúmai intau in motaau mopoonagmai kon i amánea pongin dodia mosiug takin ki buḷoi amánea tobatú.”

IMAMAT 18:8

Dika mopoonagmai kon i amámu takin mosiug moyotakin i buḷoinea tobatú inta kon sigad i buḷoinea ibanea.

KORINTUS 1 5:1

Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!

IMAMAT 20:11

Intau ḷoḷaki tobatú inta mosiug takin i buḷoi tobatú i amánea, yo sia tua nogagowdon kon hak i amánea. Ḷoḷaki bo bobay tatua in mustibí hukumon matoi. Mosia in minatoi sin pinopisí in taḷá monia tontaní.

AMOS 2:7

Mosia in nondorot kon intau moyangkó inta diá mokopongonu bo moposí in intau nobogá. Ki ata monia bobay tobatú in siniugandon i amánea bo i adínea ḷoḷaki, dá nokokotordon kon tangoi-Ku inta motusi.

YEHEZKIEL 22:10

Oyúon in modondouḷug bo mosiug takin i iná uatoknea, takin bobay inta inangoinea,

TAWARIKH 1 5:1

Ki Ruben naa in adí guya-guyang i Yakub. Táe popisí in ki Ruben naa in ain nopoonagmai kon kahoromatan in pahang tobatú i amánea, dá haknea saḷaku adí guya-guyang in ginamádon nongkon inia bo inogoi kon i Yusup. Umpaka natua táe inta totok in moropot kon sigad in buí Yakub in deemanbí suku i Yusup táe sukubí i Yohuda. Nodapot inta muna-munamai totok nobaḻí datu kon bayongan umat in Israel in nongkon sukubí i Yohuda tua.

SAMUEL 2 16:22

Dá, pinomiaandon in ki Absalom kon ḷoḷaigan kon tudu in atop in komaḻig inta notondodai tatua. Bo koonto-ontongbí in bayongan intau ki Absalom in sinumuot kon bonu in ḷoḷaigan tatua bo nosiug takin i buḷoi mita i amánea.

KINOBAḺIAN 49:4

Iko in mogampang moḻimbok naonda bo tubig, sahingga in deemandon iko inta totok in moponting; sin iko ain nosiug takin i buḷoiku inta bobantung tua, kinotoranmudon tosiugan i amámu.

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

IMAMAT 18:7

Dika siuganmu in ki inámu, inta ki buḷoi amámu, sin sia in hakbí i amámu.

ULANGAN 23:1

“Intau inta ain kinabiri ande inta ain pinongkó in dodiaannea in diábí motaau poyoiapon umat i Tuhan.