ULANGAN 26:10 - Alkitab Singog In Mongondow Masa In Tanaa

¹⁰ Tuamai, o Tuhan, posumbaku kon naa bungai in boyó inta muna nongkon butá inta inogoi-Mu kon inakó.’ Bo ukatdon in kompé tatua kon tayowon i Tuhan Allahmu, bo sumbadon in Sia.

ULANGAN 26:10 Referans Kwoze

WAHYU 22:9

táe sia in noguman kon inakó “Donaai momia naníon, táe sumbadon in ki Allah! Sin akuoi naa in atabí doman naonda bo iko, bo ná doman tai utatmu mita inta nabi bo bayongan intau inta dinumudui kon koyow mita inta kon bonu in buk tanaa!”

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

SURAT I PAULUS KON JAMAAT RUM 2:1

Manangka intua, utat mita ki inebí in iko nion sin mohakim kon intau ibanea? Iko tontaní in kotaḷábí doman! Aka iko bo mopotaḷá kon intau ibanea, bokaka tumpaḷa nogaid kon ná inta inaidan monia tua, dá in mangaḻenea kon tua, ikodon tontaní in nopoḷabú in hukuman kon inimu tontaní.

YESAYA 66:23

Pomuḷoi in buḷan mobagu bo pomuḷoi in singgai in Sabat bayongan in intau in mamangoibí sin mosumba kon i-Nakó kon Yerusalem.

AMSAL 3:9

Horomat in ki Tuhan pongin moposumba kon i-Nia in inta mopia totok nongkon bayongan kapunyaanmu bo nongkon bungai in pinomuḷamu,

MAZMUR 95:6

Koḻigai in kita dumokó mosumba kon i-Nia, tumungkud kon tayowon i Tuhan, inta nomaḻí kon inaton.

MAZMUR 86:9

Bayongan in bangusa inta pinomia-Mu in mamangoibí, o Tuhan, sin mosumba kon ini-Mu bo mopoḷantud kon ini-Mu.

MAZMUR 22:29

Sin ki Tuhanbí inta kitogi kawasa, Sia in nomarenta kon bangusa mita.

MAZMUR 22:27

Inta nobiag nobogá in mongaanbí modapot in mobotug; intau inta mamangoi kon i Tuhan in modayowbí kon i-Nia. Igumon mako moiko in umuran mobiag motompia modapot in mononoi!

TAWARIKH 1 29:14

Akuoi bo rayatku tanaa in diábí mokopobogoi kon onu bo onu kon ini-Mu, sin bayongan in yagi-yagi tua Ikobí in nobogoi bo onu inta inogoi nami naa in Ikobí doman in kitogi.

ULANGAN 26:17

Singgai in naa moiko in nongakudon kon ki Tuhan tua in ki Allahmu. Moiko in nodandi kon motoindudui kon i-Nia bo mogaid kon bayongan hukum bo parenta-Nea.

ULANGAN 26:4

Ki imang in mogabatdon kon kompé tatua nongkon inimu bo ukatonneadon kon tayowon in mezbah i Tuhan Allahmu.

ULANGAN 26:2

dá bungai in boyó inta muna nongkon bayongan inta sinipun monimu nongkon butámu in musti bonuon monimu kon kompé bo diaan monimu kon tampat inta ain piniḻí i Tuhan Allahmu.

ULANGAN 18:4

Boyó muna in gandum, tubig in anggur, ḷana in zaitun bo bubuḷ in domba, mobaḻí doman tonsilai monia.

IḶUAIAN 22:29

Kon wakutu inta ain sinantú, pobogoibí in sosumba kon i-Nakó inta nongkon boyó in gandummu, ande in anggurmu bo ḷana in zaitunmu. Posarakaidon kon i-Nakó in ki adí monimu mita ḷoḷaki inta guya-guyang,

IḶUAIAN 23:19

Pomuḷoi in taong moiko in musti modia mangoi kon baḷoi i Tuhan Allahmu in gandum inta muna-munamai iratab monimu. Tapú in adí in domba ande tapú in adí in bembé diábí motaau poyodungúon takin tubig in teté i inánea.”

ULANGAN 8:18

Torop kon ki Tuhan Allahmubí in nobogoi in kaoyúonan tatua kon inimu. Tua inaidan-Nea sin umaai in singgai naa Sia umuranpabí mosatia kon dodandian inta pinomia-Nea takin mogoguyangmu.

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.