ULANGAN 25:9 - Alkitab Singog In Mongondow Masa In Tanaa

⁹ ki baḷú i utatnea in musti dimiug kon inia kon tayowon in guyanga mita in ḻipú kon kotá, mogamá kon silop in intau tatua, monduyá kon pogotnea bo moguman, ‘Nanaa in musti popoaid kon intau inta doí mobogoi in buí kon i utatnea.’

ULANGAN 25:9 Referans Kwoze

PINOGIAPAN 12:14

Ki Tuhan notubag, “Aka pogotnea bo dinuyáan i amánea, yo sia tua in mustibí mobaba kon oyá kon bonu in pitu nosinggai? Posídon in sia nongkon pinononḷoḷaigan pitu nosinggai in koonggotnea, bain tua bo motaau in sia tumuot bui.”

YOHANES 1:27

Sia inta namangoi noiduduimai kon inakó, táe umpaka tongá mobuka kon togot in sapatu-Nea, yo diá patus in akuoi.”

MARKUS 10:34

Poyambáan monia in Sia, duyáan, yoyigaan bo popopakú monia kon kayu pinoyotaḻempang. Táe kon singgai intoḷunea bui mobiag in Sia.”

MARKUS 1:7

Sia in noguman doman nanaa: “Moiduduimai kon inakó, moiangoi in intau inta kawasa-Nea noiḻiu kon inakó. Umpaka tongá kumuyung mobuká kon togot in sapatu-Nea, yo diábí patus in akuoi.

MATIUS 27:30

Mosia in nonduyá doman kon i-Nia, bo nogamá kon aog bo pinomobak kon uḷu-Nea.

MATIUS 26:67

Bo dinuyáan poḷat kinoyungkuman monia in pogot-Nea; intau mita ibanea nomongkug doman kon i-Nia,

YESAYA 50:6

Inogoiku in ḻikudku kon intau inta nomongkug kon inakó; bo putongiku kon intau inta norabut kon kumiku. Akuoi in diábí nopoḷagui in pogotku kon tungkuḷ in akuoi siningkuḻe bo dinuyáan.

YESAYA 20:2

Toḷu notaong noiuna, ki Tuhan nopotabá kon i Yesaya ki adí i Amos noḷongkut kon aip in sioḷ bo daing tuḷok inta pinakénea. Sia in dinumudui bo minayá nomilang bo diá nomaké in aip in sioḷ.

AYUB 30:10

Akuoi in inanggapdon monia mokooyá bo mokorongó, nodapot in pogotku dinuyáan monia.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.

ULANGAN 25:8

Bo guhanga mita in ḻipú kon kotá in musti mogoiní kon intau tatua bo moyosingog takinnea. Aka sia umuran doman doí,

ULANGAN 25:10

Bo kon sigad in intau Israel koluarga in intau tatua tangoiondon ‘Koluarga in intau inta pinogunggakan kon silop.’ ”

RUT 4:6

Tubag in intau tatua, “Aka natua, dá diá in akuoi mokosanggup. Dá tanaa in mopia-piabí kon ḷuatankudon in hakku saḷaku intau inta muna totok inta musti motaḷui kon butá tatua. Diá in mangaḻenea potaḷuianku kon tua sin butá tatua in notantúdon kon diábí mobaḻí kapunyaan in buíku. Maníka ikodon in motaḷui kon tua.”