ULANGAN 25:6 - Alkitab Singog In Mongondow Masa In Tanaa

⁶ Adí ḷoḷaki guya-guyang monia in mustibí anggapon adí i utat inta ain minatoi tatua, sinbá oyúon in buínea kon sigad in bangusa Israel.

ULANGAN 25:6 Referans Kwoze

ULANGAN 21:19

Dá guyanganea in musti modia kon inia kon guhanga mita in kotá inta pinogutunan monia bo mopoigum sinbá adí tatua in adilon.

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

MAZMUR 9:5

Sin Iko in nomarenta saḷaku hakim inta moadil; Iko in noduḷudon kon pelekaraku.

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.

ULANGAN 9:14

Dika monungkuḷ moḷamboi kon i-Nakó. Yopúon-Kudon in mosia modapot in mosia diádon kotoropan bui. Táe iko in baḻíon-Kudon amá in tobatú bangusa inta moḷobe-ḷoben bo moropo-ropot nongkon i monia.’

KINOBAḺIAN 38:8

Bo ki Yohuda in noguman kon i Onan ki ai-ai Er, “Bayádon kon i baḷú i guya-guyangmu, bo potonibuḷoidon takinnea saḷaku toḻiu i guya-guyangmu bo pobogoidon in buí kon i guya-guyangmu.”

KINOBAḺIAN 38:9

Táe kinotaauan i Onan kon aka oyúondon in adínea yo deemanbí sia in kitogi gadí kon tua mita. Dá, pomuḷoi in sia mosiugdon moyotakin i baḷú i guya-guyangnea tatua, tongá tantúnea ḷumbúon kon ḷuai in tubignea sinbá ki guya-guyangnea diá mokouḻí kon buí.