ULANGAN 21:5 - Alkitab Singog In Mongondow Masa In Tanaa

⁵ Imang mita in Lewi musti doman mayá intua, sin mosia in musti monantú kon bayongan in pelekara popisí in aid inta moraat. Mosia tua in piniḻí i Tuhan Allahmu sin mogundoi kon i-Nia bo mosingog kon barakat podoyon kon tangoi-Nea.

ULANGAN 21:5 Referans Kwoze

TAWARIKH 1 23:13

Ki Amram in ki amá i Harun bo i Musa. (Ki Harun bo buínea mononoi in sinantúdon monompia kon pakakat mita in ibada, motubá kon dupa kon i Tuhan, mogundoi kon i Tuhan bo momarakat kon rayat podoyon kon tangoi Tuhan.

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

ULANGAN 10:8

Kon buḷud tatua Ki Tuhan nopotondí in suku Lewi sin moindoi bo monompia kon Poti Dodandian bo mogundoi kon i Tuhan, bo mosingog kon barakat podoyon kon tangoi-Nea. Tuata in oaidan monia modapot kon tanaa mako.

ULANGAN 19:17

intau doyowa tatua musti mayá in tampat pooibadaan inta sinantú i Tuhan sinbá tantúon in imang mita bo hakim inta koyogot mopobayá in oaidan monia.

ULANGAN 18:5

Nongkon bayongan in suku Israel, ki Tuhan Allahmu ain nomiḻí kon suku in Lewi nobaḻí imang modapot kon adí bo ompu.

IMAMAT 9:22

Naonda in mopaḷut mako noposumba in bayongan kuruban tatua, ki Harun nobingkat kon ḻimanea pinotayow kon bayongan umat Israel bo nomarakat kon i monia, bodongka sia moponag.

ULANGAN 21:4

Sapi tatua in musti diaan monia kon tampat tobatú kon diug in ongkag inta diá mogio-giot bo inta butánea diápa dodai in onda in pinajeko ande binunakan. Kon tampat tatua putoḷondon monia in sigogow in bobiagon tatua.

YEHEZKIEL 42:13

Ḷoḷaki tatua in noguman kon inakó, “Baḷoi doyowa tatua in motusi. Kon tua, imang mita inta motaau tumayow kon koangoian i Tuhan, mokaan kon kuruban mita inta totok in motusi. Kon tua in musti doman pogukatan kon kuruban mita inta totok in motusi, tuata: kuruban gandum bo kuruban potobut kon dosa andeka kuruban toḻiu in karugian.

YEHEZKIEL 44:24

Aka momuká in bobayowan pelekara in hukum, yo musti toipaḷuton monia intua podudui in hukum-Ku mita. Mosia in mustibí monanob kon singgai mita moḷoben in agama, podudui in atorang mita bo hukum-Ku mita, bo mohoromat kon Sabat mobaḻí singgai inta ain sinantú kon i-Nakó.

TAWARIKH 2 19:10

Aka yobayatmu mita nongkon kotá ibanea nodia mangoi kon inimu in pelekara pinoḻimodan, iḻimimpat kon hukum andeka iḻimimpat kon undang-undang, yo moiko in mustibí mobogoi in topotundú kon i monia. Sinbá diá in mosia moitaḷá kon i Tuhan, bo ki Tuhan in diá tumorú kon inimu andeka kon i monia. Aidai in parenta tanaa, dá moiko in diábí moitaḷá.