ULANGAN 21:23 - Alkitab Singog In Mongondow Masa In Tanaa

²³ yo mayat tatua in diábí motaau pomayá mako kon tua tonggobii tua, táe mustibí ḷobongon kon singgai doman tua. Mayat inta noibambé mokopoangoi kon kutuk nongkon i Allah kon butá. Dá ḷobongdon in mayat tatua sinbá moiko in diá mokokotor kon butá inta inogoi i Tuhan Allahmu kon inimu.

ULANGAN 21:23 Referans Kwoze

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

YOHANES 19:31

Itoi mita in Yahudi in doíbí aka mayat in intau mita inta pinopopakú kon kayu pinoyotaḻempang umuran moigantong mako kon tua umaai Singgai in Sabat, apa doman Sabat dodai intua in Singgai Moḷoben. Sin singgai inta pinopopakúan kon i Yesus tua in noiḷabú kon singgai inta mopoikoḷomai in Sabatdon tatua. Dá itoi mita i Yahudi minayádon kon i Pilatus bo nopoigum sinbá sioḷ in intau mita inta pinopopakú kon kayu pinoyotaḻempang tatua tokoputoḷandon bodongka popoponag in mayat monia nongkon kayu pinoyotaḻempang tatua.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

IMAMAT 18:25

Mosia ain nomia kon bayongan oaid inta mokorongó tatua, dapot in butá monia nobaḻídon nonajis. Dá i hukum i Tuhan in mosia bo diádon inogoi nogutun kon tua. Táe moiko in dika mokoimontanmai in momia kon oaid mita natua. Moiko komintan, intau Israel bo intau ango-angoi inta nogutun noyotakin monimu, musti umuran dumudui kon atorang bo parenta i Tuhan,

SURAT I PAULUS KON JAMAAT RUM 9:3

sin moiko in intau mita tobangusaku. Bo popisí in moiko dá morelabí in akuoi in kutukon i Allah bo poyoguaton nongkon i Kristus.

PINOGIAPAN 25:4

“Domokdon in bayongan intau inta nobaḻí itoi mita in bangusa tatua bo ḻimod in mosia kon tayowon in intau mobarong sin moponiata mogaid kon onu inta pinarenta-Ku, sinbá Akuoi in diádon tumorú bui kon bangusa tatua.”

YOSUA 8:29

Datu in kotá tatua in binambé kon oigi tobatú, bo pinomayá mako nodapot in ḷoḷabungnea. Kon dodai in mata in singgai sinumoyop, pinoki gamádon i Yosua in mayat tatua bo iḷumbú kon tayowon in ḷoḻingkop moḷoben in kotá. Onda intua tampat tatua binumbunan in batu inta mobarong totok. Batu mita tatua umuranpabí oyúon nodapot in tanaa mako.

KORINTUS 1 16:22

Intau inta diá motabi kon i Tuhan, pomayádon mako baḷáan! Maranatha – Tuhan nami, angoidon!

YOSUA 7:12

Tuamai in mosia diá mokotongkod kon musung. Mosia sinaḷow in musung sin mosia tontaní aindon pinopoḷabúan in hukuman sin yopúon. Diá bidon takinan-Ku bui in moiko, aka barang mita inta diá motaau gamáan tatua diápa payongon.

SAMUEL 2 21:6

Tuamai, ogoidon in intau pitu nongkon buínea inta ḷoḷaki, sinbá gantongon nami kon tayowon i Tuhan kon Gibea, kotá i Datu Saul tontaní.” Tubag i datu, “Mopia, ogoikubí in mosia.”

ULANGAN 7:26

Dika motagú kon patong berhala kon bonu in baḷoimu, sinbá kutuk inta noiuma kon inia diá moiuma kon inimu doman. Tua mita in musti kodoí bo anggap diá in mangaḻenea, sin kinutuk i Tuhan.”

SAMUEL 2 21:10

Bo ki Rizpa buḷoi i Saul inta diá inika, nopoompat in daing sosapi kon inia kon tudu in batu tampat pinopouḻidan in mayat mita tatua. Ki Rizpa in diábí nonaḷámai kon tampat tatua pinangkoi kon pinomangkoian pinonoḻisían kon bungai in boyó nodapot in nonguyan kon sempo in kinototakan. Diábí pinomayánea mako in mayat mita tatua in sinuyayow in ḷagapan mita kon dodai in singgai andeka mahaḷuk mita mokokaan kon tapú kon dodai in doḷom.

YEHEZKIEL 39:12

Pitu nobuḷan in koonggotnea intau mita in Israel mosibuk in moḷobong kon bayongan in intau minatoi sinbá butá tatua diá monajis bui.

ULANGAN 4:21

Táe ki Tuhan Allahmu sinumorúdon kon inakó popisí in moiko, bo Sia in nongibot kon akuoi in diábí moiḷoḷan kon Ongkag in Yordan sin tumuot kon butá mopia inta bain ogoi-Nea kon inimu.

ULANGAN 25:19

Tuamai, aka ki Tuhan Allahmu mobogoidon in butá tatua kon inimu bo moiko moamandon nongkon bayongan musung inta nogutun kon ḻibumumai, yo bayongan intau in Amalek tua in mustibí modait ḻimodon dá mosia in diádon toropon bui. Dika koḻiongan!”

DATU MITA 2 10:8

Naonda in pinotaau kon i Yehu intua, pinarentanea sinbá uḷu mita tatua in poyoguntuḷon mobaḻí doyowa noguntuḷ kon bonawang in kotá, bo pobiódon mako kon tua modapot in mobangon monik.