ULANGAN 21:16 - Alkitab Singog In Mongondow Masa In Tanaa

¹⁶ Aka intau tatua moibog monantú mongo naonda in pososilainea kon kapunyaannea kon i adínea mita, sia in diábí motaau in momiḻí kon adí inta noilahir nongkon i buḷoinea inta totok in kinotabinea poḷat mobogoi kon adí tatua in tonsilai inta nobaḻí hak in adí guya-guyang.

ULANGAN 21:16 Referans Kwoze

TAWARIKH 1 26:10

Nongkon inanakan i Merari sinundú in ki Hosa. Sia in kogadí kon adí ḷoḷaki opat: ki Simri (sia in deemanbí guya-guyang táe dinuí i amánea nobaḻí itoi),

PILIPI 4:8

Naa in simpod in singogku utat mita, porai kon onu inta oyúon in baragunanea, bo onu inta motaau dayowon, ná soaḷ mita inta moitutui, inta horomatonmai, inta moadil, modarit, inta moromimit bo inta mopia.

SURAT I PAULUS KON JAMAAT RUM 8:29

Mosia inta ain piniḻí i Allah, aindon sinantú-Nea nongkon pinomangkoianmai sinbá mobaḻí motombatangan i Adí-Nea ki Yesus Kristus. Sahingga in Adí tatua mobaḻí Adí guya-guyang kon sigad in bayongan utat.

TAWARIKH 2 21:3

Mosia in nokouḻí kon nobayong in buḷawan, saḷaka bo pakakat mita ibanea nongkon i amá monia, bo kon batúannea inogoian doman in kotá tobatú inta dinding kon Yohuda. Táe popisí in ki Yehoram adí ḷoḷaki inta guya-guyang, dá siadon in sinantú i Yosapat nobaḻí datu.

KINOBAḺIAN 25:31

Tubag i Yakub, “Motaau, asaḷ bo ogoimudon muna in hakmu saḷaku adí guya-guyang.”

ULANGAN 21:15

“Aka ḷoḷaki tobatú in kobuḷoi kon doyowa, bo taya dua tumpaḷa nopononggadí in adí ḷoḷaki, táe adí inta muna noilahir deemanbí adí nongkon i buḷoinea inta totok in kinotabinea.

ULANGAN 21:17

Sia in mustibí mobogoi in doyowa nosilai nongkon kapunyaannea kon adí ḷoḷaki inta guya-guyang, umpakabí adí tatua deeman ki adí i buḷoinea inta totok in kinotabinea. Hak in adí guya-guyang mustibí akúon i amánea, bo adí tatua in mustibí ogoian in haknea podudui in hukum.”