ULANGAN 20:14 - Alkitab Singog In Mongondow Masa In Tanaa

¹⁴ Táe moiko in motaaubí mogamá kon bobaynea mita, adí mita, bobiagon bo onuka in kon kotá tatua. Bayongan in kapunyaan in musungmu mita tatua motaaubí in pakéon monimu. Inogoi bidon i Tuhan Allahmu intua kon inimu.

ULANGAN 20:14 Referans Kwoze

YOSUA 8:2

Ai bo datunea in musti aidanmu ná pinogogaidmu kon Yerikho bo datunea koḻipod. Táe tanaa in barangnea mita bo bobiagonnea in motaaudon gamáanmu mobaḻí kapunyaanmu. Posadiadon in mayá monubu kon kotá tatua taḻikokogan nongkon tumi.”

PINOGIAPAN 31:9

Intau mita in Israel nodakop kon bobay mita bo adí mita in intau in Midian, bo nogagow kon bayongan bobiagon, takin bayongan in kapunyaan monia.

SURAT I PAULUS KON JAMAAT RUM 8:37

Táe! Kon bayongan tua mokouḻí in kita kon kauntungan inta mosompurna nongkon i-Nia inta motabi kon i naton!

MAZMUR 68:12

Ki Tuhan in nomarenta, bo bobay mita in nodia kon habar:

TAWARIKH 2 20:25

Dá ki Yosapat takin intaunea mita minayá nogagow kon pakakat mita in musung. Nokouḻí in mosia kon bobiagon mobayong, bo touḷut mita, ḷambung, bo pakakat mita inta koboḻi ibanea. Nopaḷut mako nosipun kon pakakat mita tatua toḷu nosinggai in koonggotnea, nobayongpa doman in pakakat mita ibanea, dá pakisadon sinaḷáanmai.

YOSUA 11:14

Bayongan in intau kon bonu in kotá tatua iḻimod; diá in tobatúmai in pinomayá mako nobiag. Táe bayongan in pakakat mita inta koboḻi bo bobiagon monia in ginamá in intau in Israel nobaḻí kapunyaan monia.

PINOGIAPAN 31:18

Táe bayongan bobay inta diápa pinobuḷoi motaaudon gamáan monimu bo pobuḷoion.

PINOGIAPAN 31:12

bo dinia kon i Musa bo kon i Imang Eleazar bo kon bayongan umat in Israel. Kon tungkuḷ intua mosia in koyogot nononḷoḷaigan kon rata in Moab, kon bingkí in Ongkag in Yordan, kon diug in kotá in Yerikho.

PINOGIAPAN 31:11

Onda intua intau mita in Israel nogamá kon bayongan inta inagow monia tua, noitakin doman in intau mita inta sinoko dakop kon parang bo bobiagon,

PINOGIAPAN 31:15

Gumannea kon i monia, “Nongonu sin biniaganpabí monimu in bobay mita tanion?

ULANGAN 20:15

Natuata in aidan monimu kon kotá mita inta moyayú nongkon butá inta pinogutunanmu.

ULANGAN 2:35

Bobiagon mita monia ginamá naton bo kotánea mita in inagow naton.