ULANGAN 2:22 - Alkitab Singog In Mongondow Masa In Tanaa

²² Natua doman in pinomia i Tuhan kon intau in Edom, buí i Esau, inta nogutun kon buḷud in Edom. Iyopú i Tuhan intau in Hori, dá intau in Edom nogagow kon butá tatua bo poḷat iḻitúan, bo nogutundon notantú kon tua nodapot in masai naa.

ULANGAN 2:22 Referans Kwoze

KINOBAḺIAN 36:8

Dá ki Esau inta dinonoi doman ki Edom, nogutundon notantú kon buḷud in Seir.

ULANGAN 2:12

Dungkuḷmai intau in Hori nogutun kon Edom, táe pinoguntun bo iyopú in buí i Esau, inta kon singgai noiduduimai iḻimitú kon butá monia; ná doman in bangusa Israel kon singgai noiduduimai noguntun kon musung mita monia nongkon butá inta inogoi i Tuhan kon i monia.)

KINOBAḺIAN 14:6

bo intau in Hori kon buḷud in Edom, bo inaḷowan monia nodapot in El-Paran kon bingkí in padang gurun.

ULANGAN 2:5

táe diábí motaau in moiko in monubu kon i monia, sin butá monia tua in diá topiḻikmai in ogoi-Ku kon inimu, sin butá in Edom inogoi-Kudon kon buí i Esau.

ULANGAN 2:21

Naonda bo intau in Enak, mosia mongoḷoben bo mongoḷantud doman in awak. Mosia totuu mongo ropot, bo mobarong in mosia. Tongá iyopú i Tuhan in mosia, nodapot inagow in intau Amon in butá tatua, bo poḷat pinogutunan monia.