ULANGAN 2:21 - Alkitab Singog In Mongondow Masa In Tanaa

²¹ Naonda bo intau in Enak, mosia mongoḷoben bo mongoḷantud doman in awak. Mosia totuu mongo ropot, bo mobarong in mosia. Tongá iyopú i Tuhan in mosia, nodapot inagow in intau Amon in butá tatua, bo poḷat pinogutunan monia.

ULANGAN 2:21 Referans Kwoze

HAKIM MITA 11:24

Bo degá iko in tanaa moibogdon bui mogamá? Butá inta inogoi i Kamos, dewamu tua, kon inimu in motaaubí umuran mobaḻí kapunyaan monimu. Tongá onu inta ain inogoi i Tuhan, Allah nami kon i nami, in umuranbí tahangon nami.

ULANGAN 3:11

Ki Datu Og naa in intau in Repaim inta pangabisan. Poti mayatnea pinomia nongkon batu, kobanatnea in opat nometer bo kooḷadnea in gogió bo doyowa nometer podudui in ukuran inta ain sinantú. Umaai in tanaa motaaupabí indoian kon Raba, kotá in intau in Amon.)

ULANGAN 2:22

Natua doman in pinomia i Tuhan kon intau in Edom, buí i Esau, inta nogutun kon buḷud in Edom. Iyopú i Tuhan intau in Hori, dá intau in Edom nogagow kon butá tatua bo poḷat iḻitúan, bo nogutundon notantú kon tua nodapot in masai naa.

ULANGAN 1:28

Dá onubí in mangaḻenea in bayáan naton intua? Intau mita inta pinotabá naton minayá intua nopogogondok doman kon i naton takin noguman kon bangusa tatua in moropo-ropot bo motori-torindog nongkon i naton, bo mosia in nogutun doman kon kotá mita inta tondoknea ná koḷantud in ḷangit. Mosia noguman doman kon nokoontong kon tuyá kon tua!’

ULANGAN 2:20

Butá tatua doman in sinotaaubí saḷaku butá in Repaim, tangoi in bangusa inta tungkuḷ intua nogutun kon tua; aka kon intau in Amon yo mosia tua in sinangoian monia intau in Zamzumim.