ULANGAN 2:13 - Alkitab Singog In Mongondow Masa In Tanaa

¹³ “Onda intua kita iḷumoḷan kon Ongkag in Zered pinodudui ná inta parenta i Tuhan kon i naton.

ULANGAN 2:13 Referans Kwoze

PINOGIAPAN 21:12

Onda intua mosia nononḷoḷaigan kon Ḷopá in Zered.

PINOGIAPAN 13:23

Bo nodapotdon in mosia kon ḷopá in Eskol. Kon tua in pinomongkóan monia kon anggur totanga inta mobogat totok, nodapot in musti tombuḻigan intau doyowa. Mosia in nodia doman kon tongonumai in bungai in delima bo bungai in ara.

ULANGAN 2:12

Dungkuḷmai intau in Hori nogutun kon Edom, táe pinoguntun bo iyopú in buí i Esau, inta kon singgai noiduduimai iḻimitú kon butá monia; ná doman in bangusa Israel kon singgai noiduduimai noguntun kon musung mita monia nongkon butá inta inogoi i Tuhan kon i monia.)

ULANGAN 2:14

Tua in nobaḻí toḷu nopuḷú bo waḷu notaong naonda in kita nonaḷámai kon Kades Barnea. Bayongan tontara kon dodai intua ain minatoi ná inta pinoguman i Tuhan.

PINOGIAPAN 21:13

Nongkon tua mosia bui nobuat bo nononḷoḷaigan kon ḷoḷan in Ongkag in Arnon, kon padang gurun bo inta iḻumuai nongkon butá in intau Amori. Ongkag in Arnon tatua in nobaḻí sigad in butá in intau Moab bo butá in intau in Amori.