ULANGAN 18:5 - Alkitab Singog In Mongondow Masa In Tanaa

⁵ Nongkon bayongan in suku Israel, ki Tuhan Allahmu ain nomiḻí kon suku in Lewi nobaḻí imang modapot kon adí bo ompu.

ULANGAN 18:5 Referans Kwoze

ULANGAN 10:8

Kon buḷud tatua Ki Tuhan nopotondí in suku Lewi sin moindoi bo monompia kon Poti Dodandian bo mogundoi kon i Tuhan, bo mosingog kon barakat podoyon kon tangoi-Nea. Tuata in oaidan monia modapot kon tanaa mako.

PINOGIAPAN 3:10

Táe ki Harun bo ki adínea mita in musti baḻíon-Ku imang sin mogaid kon oaidan-Ku, koḻikud in mosia, yo ki ineka in monungkuḷ mopobayá in oaidan tatua musti hukumon dapot in matoi.”

ULANGAN 17:12

Ki inekabí in mobarani moḷawang kon hakim ande imang inta yogot mopobayá in oaidannea yo musti hukumon matoi; oaid monimu tatua monginggamá kon aid moraat tatua kon Israel.

PINOGIAPAN 16:5

Bo sia in noguman kon i Korah bo dumoduduinea mita, “Ikoḷom doḷo-doḷom ki Tuhan in mopoontongdon kon i naton mongo ki ine in kapunyaan-Nea, bo ki ine inta sinondí kon i-Nia. Intau inta piḻíon-Nea tua in motaau dimiug kon i-Nia.

PINOGIAPAN 25:13

Sia bo buínea in tantúon-Kudon umuran mobaḻí imang, sin sia aindon noramuji totok noguntu kon kahoromatan-Ku, ki Allahnea, bo ain doman nomia kon pondamean kon dosa in intau Israel.”

IḶUAIAN 29:9

bo baan kon i monia, bo bogot in uḷu popotogot domandon kon uḷu monia. Natuata in pododuí kon i Harun bo kon i adínea mita. Mosia bo buí monia in musti mobantung kon i-Nakó mobaḻí imang inta mononoi.