ULANGAN 18:22 - Alkitab Singog In Mongondow Masa In Tanaa

²² Aka nabi tobatú mosingog podoyon kon tangoi i Tuhan, táe onu in siningognea tua diá noniata, dá tosingogonnea tatua in deemanbí nongkon i Tuhan. Nabi tatua in mosingogbí pinodoyon kon tangoinea tontaní bo dikabí in moiko moondok kon inia.”

ULANGAN 18:22 Referans Kwoze

ULANGAN 18:20

Táe aka nabi tobatú mobarani mopotaau in koyow podoyon kon tangoi-Ku bokaka Akuoi in diábí nopotabá kon inia mogaid kon tua, yo sia tua in mustibí matoi; natua doman in bayongan nabi inta mosingog podoyon kon tangoi in ilah mita ibanea mustibí matoi.’

DATU MITA 2 20:1

Kon tungkuḷ intua ki Datu Hizkia in binituḷ inta totokdon in mobogat bo gogiódon matoi. Ki Nabi Yesaya ki adí i Amos in minayá nokipodungkuḷ kon inia bo noguman, “Ki Tuhan in nongoyow sinbá ki Tuang Datu in monoḻisídon kon bayongan in oaidan, sin ki Tuang in diádon mopia. Diádon moonggot bo matoi in ki Tuang Datu.”

YUNUS 4:2

Bo nosambayang in sia. “O Tuhan, aindon pinogumanku muna kon dodai in diápa nobuat nongkon baḷoiku koḻipod, kon notantúbí kon aidan-Mu in nanaa! Tuamai in akuoi bayá-bayádon noḷagui minayá in Spanyol! Kinotaauanku kon Iko in ki Allah inta totok in kototabi bo motanob, mosabar, moḷukó in dodia, bo umuranbí mosadia momaḷui kon tomayá mohukum.

YESAYA 41:22

Angoidon, bo toḻindapaidon onu in mobaḻí, sinbá kotaauan nami in kopaḷutannea moiduduimai. Potaaudon in bayongan inta nobaḻí koḻipod, insilangai in mangaḻenea sinbá taridian nami.

AMSAL 26:2

Ná ḷagapan inta iḷumayug bo modondaḷoi kon ḷokutoi, natua doman in odi-odi diábí moitugat kon intau inta diá kotaḷá.

YUNUS 3:4

Ki Yunus in sinumuot kon kotá tatua bo naonda in minayá nouput in singgai tatua, nomangkoidon in sia nopoyaput in koyow, kainia, “Opatpa nopuḷú nosinggai, bo morimumud in Niniwe!”

ULANGAN 18:21

Degá moiko in moḻibó kon bonu in gina, ‘Naonda in kototaau monimu kon koyow in nabi tobatú tua in nongkon i Tuhan andeka deeman?’

DATU MITA IMITÁNEA 22:28

Guman i Mikha, “Aka ki tuang datu bo mobui takin mosaḷamat, dá mangaḻenea kon tua kon ki Tuhan in diábí nosingog pinongin inakó! Bayongan intau kon naa in nobaḻí sakusi.”

SAMUEL 1 3:19

Ki Samuel nodugangdon nointoi. Ki Tuhan umuran koyota-yotakinnea bo noponiatadon kon bayongan in onu inta siningog i Samuel.

ZAKHARIA 2:13

Kibio-biómaidon in moiko komintan kon tayowon i Tuhan! Sin Sia in nobuatdon nongkon tampat pinogutunan-Nea kon soroga.