ULANGAN 17:8 - Alkitab Singog In Mongondow Masa In Tanaa

⁸ Aka oyúon in pelekara inta diá motaau putuson in hakim mita kon tua sin totuu mororiga, umpamanea pelekara poḻimodan inta sinuod ande diá sinuod, bobayowan soaḷ kapunyaan ande mositompaḻían kon awak, yo moiko in mustibí mayá kon tampat inta piniḻí i Tuhan Allahmu.

ULANGAN 17:8 Referans Kwoze

ULANGAN 12:5

Nongkon bayongan butá in suku in mita Israel, ki Tuhan Allahmu in momiḻíbí kon tampat tobatú sinbá bangusa naton motaau mamangoi in tayowon-Nea bo mosumba kon i-Nia.

HAGAI 2:11

Kai-Nia, “Poigumdon kon bontow in tosingogon kon imang mita kon soaḷ tanaa:

ULANGAN 1:17

Aka monantú yo dika mobogat kon toḷosi; musti potongkaion in monantú kon taḷá kon batúan in intau. Dika moondok kon i ineka, sin onu inta sinantú monimu tua in namangoibí nongkon i Allah. Aka pelekara tobatú bo mobogatmu totok tantúon, yo diádon mangoi kon inakó, bain akuoi in monantú kon tua.

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

ULANGAN 19:17

intau doyowa tatua musti mayá in tampat pooibadaan inta sinantú i Tuhan sinbá tantúon in imang mita bo hakim inta koyogot mopobayá in oaidan monia.

ULANGAN 19:4

Aka intau tobatú diá sinumuod noiḷautdon in noḻimod kon intau ibanea inta deeman musungnea, yo sia in motaaubí moḷagui mayá kon sigad in kotá tobatú tatua bo mobiag kon tua.

PINOGIAPAN 35:16

Tongá aka intau tobatú bo nopomakédon in pakakat uatoi andeka batu andeka kayu sin poḻimod kon intau ibanea, dá intau tatua in totuubí kon moḷoḻimod; sia tua in kotaḷá bo musti hukumon dapot in matoi.

PINOGIAPAN 35:11

musti tantúon monimu in kotá mita pogogadopan, sinbá intau mita inta diá sinumontuon noḻimod kon intau ibanea, motaau in moḷagui mayá intua.

IḶUAIAN 22:2

Sia in musti monoḻiu kon bayongan inta ain sinakownea tatua. Aka sia diá koonu bo onu, yo sia tontaní in potaḷui mobaḻí ata sin ponoḻiu kon barang inta ain sinakownea tatua. Aka sinakownea tatua bo sapi, keledai ande domba, bo ain nouḻí kon intau tatua kobia-biagpa, yo mustibí in sia monoḻiu kon batúan bobiagon tatua tobatú toḻiuan in doyowa. Aka kon wakutu in doḷom bo mononakow tobatú kinodomokan kon tobatú baḷoi, bo sia in kinoḻimodan, yo intau inta noḻimod kon inia tua in diábí kotaḷá. Táe aka tua bo nobaḻí singgai, yo intau inta noḻimod tua iniapbí kotaḷá.

IḶUAIAN 21:28

“Aka sapi koḷakian tobatú nonungoi kon intau tobatú dapot in minatoi, yo sapi tatua in mustibí ara bo in batu dapot in matoi, bo tapúnea in diábí motaau kaanon, táe kitogi sapi tatua in diábí hukumon.

IḶUAIAN 21:22

Aka tongonumai intau noropatoi, bo tobatú kon sigad monia tua noiruki kon tobatú bobay inta sidia nodapot in bobay tatua kinoukaian, táe diábí nodia kon inia dapot in minatoi, dá intau inta nokoruki tatua musti moguboḻi kon bobogoi podudui kon inta sinuntut i buḷoinea ḷoḷaki bo inta pinaḷut i hakim.

IḶUAIAN 21:20

Ki ine in momongkug kon atanea ḷoḷaki ande bobay nodapot in ata tatua bayá-bayá minatoi, yo musti hukumon.

IḶUAIAN 18:26

Mosia nopobayá in oaidan monia mobaḻí hakim mita kon bangusa Israel. Aka pelekara mita inta moponting dá tua in diaan monia kon i Musa, táe aka tongá yogogintaḷaan mita inta mogaan paḷutondon monia tontaní.

IḶUAIAN 18:15

Ki Musa in notubag, “Intau mita tatua mamangoi kon inakó sin moḻibó mongo onu in kinoibog i Allah.

IḶUAIAN 22:8

Táe aka intau inta nonakow tatua diá nouḻí, dá intau inta pinotagúan kon doit ande barang tatua in musti diaan kon tampat pooibadaan, bo kon tua sia musti mongibot kon sia in diábí nonakow kon barang inta pinoki tagú kon inia.

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

ULANGAN 25:1

Umpamanea intau in Israel doyowa minayá kon pongadilan sin mopongadu kon pelekara, bo inta tobatú in pinoniata kon diá kotaḷá, bo ibanea in kotaḷá.

YEHEZKIEL 44:24

Aka momuká in bobayowan pelekara in hukum, yo musti toipaḷuton monia intua podudui in hukum-Ku mita. Mosia in mustibí monanob kon singgai mita moḷoben in agama, podudui in atorang mita bo hukum-Ku mita, bo mohoromat kon Sabat mobaḻí singgai inta ain sinantú kon i-Nakó.

ULANGAN 12:14

táe tongábí kon tampat inta piniḻí i Tuhan kon butá in sukumu tobatú. Tongábí kon tua in musti poposumbaan monimu in kuruban payongon bo mogaid kon oaidan mita ibanea inta pinarentaku kon inimu.

ULANGAN 21:5

Imang mita in Lewi musti doman mayá intua, sin mosia in musti monantú kon bayongan in pelekara popisí in aid inta moraat. Mosia tua in piniḻí i Tuhan Allahmu sin mogundoi kon i-Nia bo mosingog kon barakat podoyon kon tangoi-Nea.

SAMUEL 2 15:2

Pomuḷoi in singgai ki Absalom in mobangon doḷo-doḷom bo simindog kon bingkí in daḷan kon diug in ngara moḷoben in komaḻig. Pomuḷoi in intau inta mamangoi mopotaau in pelekaranea kon i datu, oiníon bo ḻibóon i Absalom, kainia, “Nongkon suku táonda in iko?” Bo aka intau tatua motubag, “Nongkon suku tanaa andeka tatua,”

TAWARIKH 1 26:29

Buí i Yizhar, in ki Kenanya bo adínea mita, inogoian in oaidan administrasi in negara bo oaidan mita in pongadilan kon Israel.