ULANGAN 17:6 - Alkitab Singog In Mongondow Masa In Tanaa

⁶ Táe sia in tongábí motaau hukumon matoi aka oyúon in sakusi doyowa ande moiḻiu; intau tobatú diábí motaau in hukumon matoi aka tongá tobatú in intau mobaḻí sakusi.

ULANGAN 17:6 Referans Kwoze

PINOGIAPAN 35:30

Kon pelekara poḻimodan, intau inta sinapudan noḻimod, motaau poponiata kon kotaḷá bo ḻimodon aka aidnea tatua motaau popobukiag takin oyúon in sakusi intau doyowa andeka noiḻiu. Tobatú in sakusi tua in diápabí tugat mopobukiag kon onu inta pinonapud tatua in totuu.

IBRANI 10:28

Intau inta doí dumudui kon hukum inta inogoi Musa, hukumon matoi bo diábí ampungannea, aka doyowa andeka toḷu in intau mobogoi in kosakusian, bo oyúon in bukti kon sia in kotaḷá.

TIMOTIUS 1 5:19

Donaaibí tongá tarimaanmu mako natua in onu in pinonapud kon tobatú itoi in jamaat, táe mustibí oyúon in doyowa ande toḷu in intau inta nokoontong tontaní in mobogoi in kosakusian kon pelekara inta pinonapud kon inia tua.

MATIUS 18:16

Tongá aka diá indongogannea in iko, yo podiadon kon tobatú andeka doyowa in intau. Sinbá mosia mobogoi doman in katarangan, ‘Sin takin katarangan in doyowa andeka toḷu in intau, yo tua in motaau pirisayaan.’

ULANGAN 19:15

“Tobatú in sakusi diábí tugat in moponiata kon intau tobatú totuudon kotaḷá; totok moyakag doyowa in sakusi inta paraḷu kon pelekara tatua.

KORINTUS 2 13:1

Naa in kointoḷuneadon in akuoi namangoi nokipodungkuḷ kon i monimu. Kon Buk Motusi ain pinais nanaa, “Pomuḷoi in pelekara musti sakusian in doyowa ande toḷu in intau, bain tua pelekara tatua motaau akúon kon totuu.”

YOHANES 7:51

“Podudui in hukum i Musa, tobatú intau in diábí motaau in hukumon aka pelekaranea diápa kinotaauan bo oaidnea in diápa pinirikisa.”