ULANGAN 16:21 - Alkitab Singog In Mongondow Masa In Tanaa

²¹ Aka moiko momia kon mezbah kon i Tuhan Allahmu, dika mogukat kon patong berhala kayu lambang i Asyera kon diugnea,

ULANGAN 16:21 Referans Kwoze

TAWARIKH 2 33:3

Tampat mita pososumbaan kon berhala inta ain irumbun i Hizkia, ki amánea, pinosindognea bui. Sia in noposindog in mezbah mita sin poibadaan kon i Baal, bo nogaid in sia kon patong mita i Dewi Asyera, bo poḷat nosumba kon tundi mita.

DATU MITA 2 17:16

Mosia in iḻimimpat kon bayongan in hukum i Tuhan, Allah monia, bo nomia kon sapi doyowa nongkon logam sin sumbáan. Mosia in nomia kon patong i Dewi Asyera, mosumba kon tundi mita bo moibada kon i Dewa Baal.

DATU MITA 2 21:3

Tampat mita pososumbaan kon dewa inta ain inumpag i Hizkia ki amánea in buineabí pinosindog. Noposindog in sia in mezbah mita sin poibadaan kon i Baal, bo nogaid kon patong i Dewi Asyera, ná inta pinomia i Ahab datu in Israel. Ki Manasye in nosumba doman kon tundi mita.

IḶUAIAN 34:13

Dá, dikadon mogaid kon natua, táe tokoumpagdon in mezbah mita monia, rimumudon in tugu mita karamat monia bo toko pupuḷdon in oigi mita i Asyera, berhala monia.

DATU MITA IMITÁNEA 16:33

Nomia doman in sia kon patong i Dewi Asyera. Noiḻiu in dosa nongkon bayongan datu inta noiuna kon inia. Tuamai in sia nopomukádon kon torú i Tuhan, Allah inta musti sumbáan in intau in Israel.

DATU MITA IMITÁNEA 14:15

ki Tuhan in mohukumbí kon Israel dá modandúdon ná tampiring kon bonu in tubig. Ki Tuhan in morabutbí kon rayat in Israel bo nongkon butá inta mopia tanaa inta inogoi-Nea kon mogoguyang monia. Sia in moporaritbí kon i monia kon ḷoḷan in Ongkag in Eprat, sin mosia in nopomukádon in torú-Nea sin nomia kon patong mita i dewi Asyera.

HAKIM MITA 3:7

Umat in Israel binaradosa kon i Tuhan, ki Allah monia. Mosia nokoḻiong kon i-Nia nodapot in mosia nosumbadon kon berhala mita i Baal bo i Asyera.

ULANGAN 7:5

Tuamai, umpagdon in mezbah mita in bangusa mita tatua, rimumudon in oigi mita batu inta inanggap monia mokaramat, pupuḷdon in lambang mita i Asyera, bo tubádon in patong mita berhala inta sinumba monia.

IMAMAT 26:1

Ki Tuhan noguman, “Dika momia kon toḻindua in Tuhan ande moposindog in patong ande oigi batu inta kinurig sin sumbáan. Akuoi in ki Tuhan Allahmu.

DATU MITA 2 21:7

Lambang i Dewi Asyera in sinagúnea kon bonu in Baḷoi Tuhan, bokaka soaḷ tampat tatua ki Tuhan in nogumandon kon i Daud bo kon i Salomo ki adínea ḷoḷaki, “Baḷoi-Ku bo Yerusalem naa, inta ain piniḻí-Ku nongkon sigad in butá in suku in Israel inta mopuḷú bo doyowa, in tampat inta ain sinantú-ku mobaḻí tampat pooibadaan kon i-Nakó.