ULANGAN 16:20 - Alkitab Singog In Mongondow Masa In Tanaa

²⁰ Moiko in mustibí umuran mokopoadil, sinbá umuran motaau mogutun bo mobiag motompia kon butá inta inogoi i Tuhan Allahmu kon inimu.

ULANGAN 16:20 Referans Kwoze

PILIPI 4:8

Naa in simpod in singogku utat mita, porai kon onu inta oyúon in baragunanea, bo onu inta motaau dayowon, ná soaḷ mita inta moitutui, inta horomatonmai, inta moadil, modarit, inta moromimit bo inta mopia.

SURAT I PAULUS KON JAMAAT RUM 10:5

Ki Musa in nomais nanaa, Intau inta ain noyodame bui i Allah inta pinodoyon kon hukum in agama, in nobiag sin motoindudui kon hukum in agama tatua.

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

YEHEZKIEL 18:9

Sia in dinumuduibí kon parenta-Ku bo motoḷutui kon hukum-Ku mita. Intaubí mojujur natua in mobiag. Akuoi, ki Tuhan Inta Totok in moḷantud ain nosingog.

YEHEZKIEL 18:5

Aka oyúon in intau inta mopia, motuḻid bo mojujur.

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

ULANGAN 16:21

Aka moiko momia kon mezbah kon i Tuhan Allahmu, dika mogukat kon patong berhala kayu lambang i Asyera kon diugnea,

AMSAL 11:19

Ki ine in umuran mosatia mogaid kon inta mopia, in mokouḻíbí kon kobiagan mosanang; ki ine in diá umukat kon aid moraat yo mopobayá in popatoi.