ULANGAN 16:14 - Alkitab Singog In Mongondow Masa In Tanaa

¹⁴ Pobarasanangdon takin i adímu mita, in bobantungmu mita, in intau in Lewi, intau ango-angoi, adí uno-unon bo inta dongka boba-bobay mita inta nogutun kon kotámu mita.

ULANGAN 16:14 Referans Kwoze

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.

TESALONIKA 1 5:16

Tantú kosanang in gina,

YESAYA 35:10

Intau mita inta pinoḷuat i Tuhan in mobuibí; mosia in tumuot kon kotá in Yerusalem takin giow, pogot monia in moḷumbá popisí in ḷunganga in gina inta mononoi. Mosia in moḷunganga in gina bo morame; robonoḷ in gina bo amui moinggamádon komintan.

YESAYA 30:29

Táe moiko, umat i Allah, in moḷungangabí in gina bo modondong naonda bo kon dodai in doḷom poramean kon agama. Moiko in totokbí in mopia in gina naonda bo intau mita inta minayá bo sinakinan in bansí mopobayá in Baḷoi Tuhan, mododuḷu in Israel.

MOHOHUTUBA 9:7

Pongaanbí bo pobarasanang, inumdon in anggurmu takin ḷunganga in gina. Diábí mobogat in gina i Allah, sin kinoibog-Neabí intua.

ULANGAN 26:11

Posukurdon sin bayongan rijiki inta ain inogoi i Tuhan Allahmu kon inimu bo tombonu in baḷoimu. Anutaidon in intau in Lewi bo intau ango-angoi inta nogutun kon sigad monimu tumakin kon porayaan tatua.

ULANGAN 12:12

Kosanangdon in gina kon tayowon i Tuhan Allahmu, takin adímu mita, bobantungmu mita bo intau mita in Lewi inta nogutun kon kotámu mita, sin intau mita in Lewi diá nokouḻí kon tonsilai kon butámu.

ULANGAN 14:29

Kaanon tatua in ogoibí kon intau in Lewi sin mosia in diá kobutá, bo kon intau ango-angoi, adí uno-unon bo inta dongka boba-bobay inta nobiag kon kotámu mita. Mosia in motaaubí in mamangoi mogamá kon bayongan inta paraḷuon monia. Aka aidan monimu in natua, dá ki Tuhan Allahmu in momarakatbí kon bayongan onu inta inaidanmu.”

ULANGAN 16:15

Pitu nosinggai in koonggotnea musti in moiko moraya kon singgai moḷoben tatua sin mohoromat kon i Tuhan Allahmu kon tampat inta ain piniḻí i Tuhan. Kosanangdon in gina, sin ki Tuhan ki Allahmu ain nomarakat kon bungai in boyó bo oaidanmu.

ESTER 9:22

Sin kon singgai mita tatuata in mosia nonaḷow kon musung mita monia, dá robonoḷ bo nakit in gina monia nobaḷui pia bo sanang in gina. Tuamai mosia in mustibí momia kon ponanoban kon singgai mita tatua pongin bobutungan bo mongaan poḷat mosiogoian in kaanon bo mosilai kon totuḷung kon intau nobiag nobogá.

YOËL 1:16

Kokaanon in nodaitdon noyompat kon tayowon in mata naton kon Baḷoi i Allah naton diádon in giow pia in gina.