ULANGAN 14:26 - Alkitab Singog In Mongondow Masa In Tanaa

²⁶ Potaḷuidon in doit tatua kon onu in koibog monimu – sapi ande bembé domba, tubig in anggur ande oinumon inta mokoḷoḷangu – bo kon tampat tatua, kon tayowon i Tuhan Allahmu, moiko motoḷuadí musti mongaan moyotakin bo moposanang in gina.

ULANGAN 14:26 Referans Kwoze

MATIUS 21:12

Kon tua ki Yesus sinumuot kon Baḷoi Tuhan bo noguntun kon intau mita inta nopotaḷui kon tua. Binaḻikuat-Nea mita in meja inta pononoḻiuan kon doit bo bangko mita in intau inta mopopotaḷui in ḷagapan paḷoma.

MOHOHUTUBA 9:7

Pongaanbí bo pobarasanang, inumdon in anggurmu takin ḷunganga in gina. Diábí mobogat in gina i Allah, sin kinoibog-Neabí intua.

MAZMUR 106:14

Kon padang gurun mosia inaputan in ibog, bo nosoba kon i Allah.

ULANGAN 26:11

Posukurdon sin bayongan rijiki inta ain inogoi i Tuhan Allahmu kon inimu bo tombonu in baḷoimu. Anutaidon in intau in Lewi bo intau ango-angoi inta nogutun kon sigad monimu tumakin kon porayaan tatua.

ULANGAN 12:7

Kon tua doman, kon tayowon i Tuhan Allahmu, moiko moyotakin in motoḷuadímu musti mongaan takin ḷunganga in gina sin bayongan inta iramujimu oyúon in mangaḻenea sin binarakatan i Tuhan Allahmu.

KORINTUS 1 10:6

Tua komintan in nobaḻíbí contoh kon i naton, mopotorop kon bá donaai in kita mogaid kon inta diá mopia ná inaidan monia.

MARKUS 11:15

Onda intua mosia noiyaputdon kon Yerusalem, bo ki Yesus minayá bui in Baḷoi Tuhan. Kon tua Sia noguntun kon intau mita inta morodagang kon palas in Baḷoi Tuhan tatua. Binaḻintuang-Nea in meja mita monia inta pononoḻiuan kon doit, bo bangko mita in intau mopopotaḷui in paḷoma.

EZRA 7:22

modapot in ná tanaa in kobayongnea: saḷaka modapot in 3.400 nokilo, gandum in modapot in 10.000 nokilo, anggur in modapot in 2.000 noliter, ḷana in zaitun modapot in 2.000 noliter, bo simuton kinobobayongbí inta paraḷuon.

ULANGAN 12:15

Táe motaaubí in moiko moratá kon bobiagonmu bo mokaan kon tapúnea kon ondakabí in pinogutunanmu. Moiko in motaaubí in mokaan dapot in komampuan monimu kaanon in bayongan inta inogoi i Tuhan Allahmu kon inimu. Pomuḷoi in intau pinomayá inta nodarit ande inta nonajis, motaaubí in mokaan kon ponoyá tatua, ná doman tua moiko motaau mokaan kon tapú in kijang ande tapú in rusa.

ULANGAN 12:12

Kosanangdon in gina kon tayowon i Tuhan Allahmu, takin adímu mita, bobantungmu mita bo intau mita in Lewi inta nogutun kon kotámu mita, sin intau mita in Lewi diá nokouḻí kon tonsilai kon butámu.

ULANGAN 12:18

Moiko bo adímu mita, moyotakin in bobantungmu mita bo intau mita in Lewi inta nogutun kon kotámu, musti mokaan kon sosumba tatua kon tayowon i Tuhan Allahmu, kon tampat inta piniḻí i Tuhan Allahmu. Bo kon tampat tatua moiko musti moḷunganga in gina sin bayongan onu inta iramujimu.

ULANGAN 14:25

potaḷuidon intua, bo doit boḻinea in diaanmu kon tampat inta ain piniḻí i Tuhan Allahmu.