ULANGAN 12:21 - Alkitab Singog In Mongondow Masa In Tanaa

²¹ Aka tampat inta piniḻí i Tuhan Allahmu tua noiḻiu in yayú nongkon tampatmu, yo moiko in motaaubí moratá kon sapi tobatú, domba ande bembé inta inogoi i Tuhan kon inimu, bo mokaan kon tapúnea kon tampat inta kinoibog monimu, ná inta ain pinogumanku kon inimu.

ULANGAN 12:21 Referans Kwoze

ULANGAN 12:5

Nongkon bayongan butá in suku in mita Israel, ki Tuhan Allahmu in momiḻíbí kon tampat tobatú sinbá bangusa naton motaau mamangoi in tayowon-Nea bo mosumba kon i-Nia.

EZRA 6:12

Igumon mako ki Allah inta ain nomiḻí kon Yerusalem mobaḻí tampat pososumbaan kon i-Nia, moyopú kon batúan datu andeka bangusa inta mokobaḻí ḻimimpat kon parenta tanaa bo monungkuḷ morimumud kon Baḷoi Tuhan kon Yerusalem tatua. Akuoi, ki Darius, ain nobogoi in parenta tanaa. Aidai kopiaan totok.”

TAWARIKH 2 12:13

Ki Rehabeam nomarenta kon Yerusalem bo kawasa nea in kodugang-kodugangdon moḷoben. Umur in sia 41 notaong kon dodai in nobaḻí datu, bo nomarenta in sia 17 notaong in koonggotnea kon Yerusalem, kotá inta ain piniḻí i Tuhan kon sigad in bayongan in butá in Israel sin mobaḻí tampat posumbaan kon i-Nia. Ki iná i Rehabeam in ki Naama nongkon butá in Amon.

DATU MITA IMITÁNEA 14:21

Kon tungkuḷ in ki Rehabeam, adí i Salomo, nobaḻí datu in Yohuda, umurnea in opatdon nopuḷú notaong. Sia in nomarenta mopuḷú bo pitu notaong in koonggotnea kon Yerusalem. Nongkon bayongan Israel kotá tatua aindon sinondí i Tuhan nobaḻí tampat pososumbaan kon i-Nia. Ki iná i Yerobeam in ki Naama nongkon bangusa in Amon.

ULANGAN 26:2

dá bungai in boyó inta muna nongkon bayongan inta sinipun monimu nongkon butámu in musti bonuon monimu kon kompé bo diaan monimu kon tampat inta ain piniḻí i Tuhan Allahmu.

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.

ULANGAN 12:15

Táe motaaubí in moiko moratá kon bobiagonmu bo mokaan kon tapúnea kon ondakabí in pinogutunanmu. Moiko in motaaubí in mokaan dapot in komampuan monimu kaanon in bayongan inta inogoi i Tuhan Allahmu kon inimu. Pomuḷoi in intau pinomayá inta nodarit ande inta nonajis, motaaubí in mokaan kon ponoyá tatua, ná doman tua moiko motaau mokaan kon tapú in kijang ande tapú in rusa.

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

IḶUAIAN 20:24

Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

ULANGAN 12:20

Naonda in ki Tuhan Allahmu moginḷoben kon sigad mita in butámu ná inta ain pinodandi-Nea, moiko in motaaubí mokaan kon ponoyá kinooibogmubí.

ULANGAN 12:22

Pomuḷoi intau, pinomayá inta nodarit ande inta nonajis, motaaubí in mokaan kon ponoyá tatua ná doman pokokaan monimu kon tapú in rusa ande tapú in kijang.