ULANGAN 11:14 - Alkitab Singog In Mongondow Masa In Tanaa

¹⁴ Aka natua in aidan monimu, dá poonag i Tuhan in uyan kon butámu kon wakutunea, mopaḷut mako in moiko mosipun kon bungai in boyó, bo kon dodai in moiko momangkoidon momunak. Dá moiko in diádon kodaitan in gandum, anggur bo ḷana in zaitun,

ULANGAN 11:14 Referans Kwoze

YAKOBUS 5:7

Tuamai, posabardon utatku mita, dapot in ki Tuhan mamangoi. Indoiaidon naonda in kososabar in intau monononggobá in mogoḷat modapot in butánea mobogoi in hasil inta mobogoi in kauntungan kon inia. Umuran mosabar in sia in mogoḷat kon uyan kon sempo in kototakan bo uyan sempo in pononobur.

IMAMAT 26:4

yo ogoian-Ku in uyan moiko kon wakutunea, dá butá mobogoidon in boyó bo pangkoi mita in ayop momungaidon.

YEHEZKIEL 34:26

Barakatan-Kudon in mosia bo ogoi-Ku in mosia mogutun kon diug in tombuḷud-Ku inta motusi. Mosia in ogoian-Ku in uyan aka moibog in mosia.

ULANGAN 28:12

Ki Tuhan in mopoangoibí in uyan kon wakutunea nongkon tampat pinotagúan-Nea inta mobayong totok kon ḷangit. Sia in momarakatbí kon bayongan totayakmu, dá moiko in motaaudon mopoḷuan kon mobayong in bangusa, táe moiko tontaní in diá bidon paraḷu moḷuan.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

OUMAN IN RASUL MITA 14:17

Táe umuran-Neabí poniata in totabi-Nea bo mobogoi kon onu inta mopia. Ogoian-Nea in uyan nongkon ḷangit bo hasil in butá kon musimnea. Umuran-Nea inogoian in kaanon in moiko bo pinosanang in gina monimu.”

IMAMAT 26:3

Aka moiko mobiag moidudui kon atorang-Ku mita bo dumudui doman kon parenta-Ku mita,

YESAYA 30:23

Aka moiko bo momunak, ki Tuhan in mopoangoi in uyan sinbá mobiag in pinomuḷamu tatua bo mobogoi in bungainea inta mobarong totok. Bo kon bobiagonmu in sadiaandon in bonok pongaanan monia inta mobendar.

YEREMIA 5:24

Diábí kon dodai in onda in kinotoropan monimu in mohoromat kon i-Nakó, bokaka Akuoibí in inta nopoangoi in uyan, Akuoi doman in nobogoi kon inimu in sempo in posipunan kon boyó muḷoi in taong.

YOËL 2:19

Sia in notubag kon i monia nanaa, “Tanaa in moiko komintan in ogoian-Ku: in gandum, anggur bo ḷana in zaitun sin kaanon, sinbá moiko komintan in pobotugon. Diábí pomayá-Ku mako in singkuḻeon in moiko andeka kosingan in bangusa mita.

MALEAKHI 3:11

Diábí pomayá-Ku mako in pangkoḷá momoguyaat kon bungai in boyómu, pangkoi mita in anggurmu in modatogbí totok in bungainea.