ULANGAN 11:10 - Alkitab Singog In Mongondow Masa In Tanaa

¹⁰ Butá inta pogutunan monimu kon singgai moiduduimai diábí ná butá in Mesir, inta pinogutunan monimu koḻipod. Kon tua moiko musti rumajing in mogaid sin momonu in tubig kon gobá mita kon dodai in moiko moponimboi in bibit.

ULANGAN 11:10 Referans Kwoze

ZAKHARIA 14:18

Bo aka intau in Mesir doí morame kon Singgai moḷoben Ḷuḷung Daun, dá mosia in kotugatan doman in takit inta popoangoi i Tuhan kon bayongan in bangusa inta doí mayá moibada.

ULANGAN 11:9

Bo moonggot in kobiagan monimu kon butá inta nooyúon bo mopia, inta pinodandi i Tuhan kon mogoguyangmu bo kon buí monia.

ULANGAN 11:11

Táe butá inta bain tuotan monimu tua in buḷud bo ḷopá mita; butá kon tua in uyanbí in momobat.

YESAYA 37:25

Iko doman in dinumodia kon iko in nongaḻi kon parigí bo nonginum kon tubig kon butá mita in intau, bo tontaramu mita in kopia noruntai kon Ongkag in Nil nodapot in noingkag.

YEREMIA 2:7

Mayá in butá inta mopia inatod-Ku in mosia sin mokaan kon bungai mita in pinomuḷa bo bayongan in inta mopia kon tua. Táe kon tua butá-Ku in pinonajisdon monia bo kapunyaan-Ku in binaḻí monia mokorongó.

ULANGAN 8:7

Ki Tuhan Allahmu nodia kon i monimu pinobayá in butá inta mopia; butá inta mobayong in ongkag bo bokakánea, bo danow inta mointampurang monag kon ḷopá bo kon buḷud mita.