ULANGAN 10:4 - Alkitab Singog In Mongondow Masa In Tanaa

⁴ Kon batu tatua ki Tuhan nomais kon Parenta Mopuḷú notongkai ná inta muna, tuata in parenta mita inta inogoi-Nea kon i monimu, kon dodai in Sia nosingog nongkon yua-yuak in tuḷú kon singgai in moiko noyosipun kon sipangkoion in buḷud. Nopaḷut mako kon tua ki Tuhan nobogoi in batu tulis tatua kon inakó

ULANGAN 10:4 Referans Kwoze

ULANGAN 9:10

Onda intua ki Tuhan nobogoi kon inakó in batu doyowa inta ain pinaisan i Allah tontaní. Kon batu tatua pinais in singog mita inta siningog-Nea kon i monimu nongkon yua-yuak in tuḷú, kon tungkuḷ in moiko noyosipun kon simpangkoion in buḷud.

IḶUAIAN 34:28

Opat nopuḷú nosinggai bo opat nopuḷú nogobii ki Musa nogutun kon tua noyotakin i Tuhan, bo kon bonu in wakutu tatua sia in diábí nongaa-ngaan diá doman nonginu-nginum. Tosingogon mita kon dodandian tatua, tuata in Parenta i Allah inta mopuḷú, pinaisnea kon batu pomomaisan.

ULANGAN 18:16

Kon singgai moiko noyosipun kon Buḷud in Sinai, moiko mopoigum sinbá moiko dikadon mokodongog kon i Tuhan Allahmu mosingog bo diádon mokoontong kon koangoian-Nea kon bonu in tuḷú inta kodoko-dokot, sin moiko moondok in matoi.

IḶUAIAN 34:1

Onda intua ki Tuhan noguman kon i Musa, “Pomakangdon kon batu doyowa ná inta muna. Kon batu tatua pomaisan-Ku kon tosingogon mita ná inta koḻipod pinais-Ku kon batu inta ain irumogmu tua.

IḶUAIAN 31:18

Naonda in nopaḷut mako noyosingog i Musa kon tudu in Buḷud Sinai, ki Allah nobogoidon kon inia in batu doyowa inta pinomaisan i Allah kon parenta-Nea mita.