ULANGAN 1:28 - Alkitab Singog In Mongondow Masa In Tanaa

²⁸ Dá onubí in mangaḻenea in bayáan naton intua? Intau mita inta pinotabá naton minayá intua nopogogondok doman kon i naton takin noguman kon bangusa tatua in moropo-ropot bo motori-torindog nongkon i naton, bo mosia in nogutun doman kon kotá mita inta tondoknea ná koḷantud in ḷangit. Mosia noguman doman kon nokoontong kon tuyá kon tua!’

ULANGAN 1:28 Referans Kwoze

HAKIM MITA 1:20

Ná inta ain pinarenta i Musa, Hebron inogoi kon i Kaleb, sin koḻipod in toḷu nogolongan in inanakan buí i Enak in inuntundon i Kaleb nongkon kotá tatua.

YOSUA 15:14

Buí i Enak in intau in Sesai, Ahiman bo Talmai. Inuntun i Kaleb in mosia komintan nongkon Hebron.

YOSUA 14:8

Intau mita inta minayá takinku, in nopomukádon in ondok kon intau mita in Israel. Tongá akuoi in umuranbí notoindudui kon i Tuhan Allahku.

YOSUA 11:22

Diá in tobatúmai in nongkon bangusa in Enak tatua in sinonggagatan kon butá in Israel, tongádon kon Gaza, Gad, bo kon Asdod in oyúonpa.

YEHEZKIEL 21:7

Aka ḻibóon monia mongo nongonu sin mogamuibí in iko, yo pogumandon kon morobonoḷ in ginamu popisí in habar inta moiduduimai. Habar tatua in mokoondok kon gina monia, moḷungkoyó in ḻima monia, duḷud monia mourot, modaitdon in ibog monia mobiag. Totuu kon wakutunea in moiangoidon, bo tua mita in mobaḻíbí. Akuoi ki Tuhan Inta Totok in moḷantud ain nosingog.”

YESAYA 13:7

Pomuḷoi in intau naonda bo moḻemé in ḻimanea bo moinggamá in baraninea.

HAKIM MITA 1:10

bo kon kotá in Hebron, kotá inta dungkuḷmai sinangoian Kiryat-Arba. Kon tua intau in Yohuda nonaḷow kon inanakan in Sesai, Ahiman bo Talmai.

YOSUA 2:24

Onda intua mosia noguman, “Notantú bidon kon ogoibí i Tuhan in bayongan in butá tatua kon inaton; Bayongan in intau kon tua moondokdon kon i naton.”

YOSUA 2:11

Naonda in kinodongogan nami in ouman mita tatua, inagíandon in ondok in kami. Bayongan in intau nami kinoinggamáandon in barani popisí in moiko. Ki Tuhan Allahmu totu-totuubí ki Allah inta Totok in Mokawasa kon ḷangit bo kon butá.

YOSUA 2:9

bo noguman kon i monia, “Kinotaauankubí kon butá tanaa inogoidon i Tuhan kon i monimu. Bayongan in intau kon naa moondokdon kon i monimu.

ULANGAN 20:8

Porwira mita in musti doman moguman nanaa kon inimu, ‘Oyúon degá in kon sigad monimu nion in mouyot bo moondok? Aka oyúon, motaaubí in sia mobui, sinbá sia in diá mokoponag kon gina in intau ibanea moparang.’

KINOBAḺIAN 11:4

Guman monia, “Koḻigai in kita moposindog in kotá takin tobatú ḷangkeang inta ḻimonikannea modapot kon ḷangit, sinbá kita kotaauandon in bayongan dunia naa bo kita diá domandon moirarit kon dunia naa.”

ULANGAN 1:29

Táe akuoi noguman: Dika moondok kon intau mita tatua.

ULANGAN 2:10

Tungkuḷ intua Ar iḻitúan intau in Emim. Mosia tua in mongoḷoben bo mongoḷantud, notongkai in intau mita in Enak, bo bangusa in tuyá.

ULANGAN 7:17

Degá kon raian monimu in bangusa mita tatua mobaro-barong nongkon i monimu dá diá in moiko mokountun kon i monia.

ULANGAN 20:20

Pangkoi in kayu mita ibanea in motaaubí pupuḷon monimu sin aidan tondok pongopungan modapot in kotá tatua potungkudon.”