TITUS 3:4 - Alkitab Singog In Mongondow Masa In Tanaa

⁴ Táe ki Allah, Mopoposaḷamat naton ain nopoontong in tabi bo kopopia in gina-Nea kon i naton.

Gade chapit la Kopi

« Previous

tounen moute ⬆

TIMOTIUS 1 4:10

Manangka intua kita in musti moramuji mogaid, sin kita in tongábí moharap mako kon i Allah inta nobiag; Sia tuata inta mopoposaḷamat kon bayongan in intau, muna-munamai mosia inta mopirisaya.

Gade chapit la

Sin aka natua dá tantú mopobui-buibí domanmai Sia in monahang kon roriga inta mulaipamai dunia naa pinomia. Táe noniata magí, tanaa kon singgai tumi naa, Sia in namangoi tongábí komintan bo noposarakan in awak-Nea tontaní sin potobut kon bayongan in dosa naton.

Gade chapit la

SURAT I PAULUS KON JAMAAT RUM 2:4

Andeka diá pandungonmai monimu in totabi, kososabar-Nea bo kopopia in gina-Nea in notarima kon i monimu? Tantú kinotaauan bidon monimu kon ki Allah in nopoontong in kopopia in gina-Nea, sin ibogon-Nea moiko in mogogaidon mogaid kon dosa mita.

Gade chapit la

TITUS 1:3

Sin kon wakutu inta ain sinantú-Nea, pinoniata-Neadon in dandi-Nea tatua kon bonu in koyow-Nea. Koyow-Nea tatua inta pinoki aid-Nea kon inakó, bo tuata in pinotaa-taauku mako podudui in parenta i Allah inta mopoposaḷamat naton.

Gade chapit la

TIMOTIUS 2 1:10

Bo masa in tanaa pinoontongdon i Allah in totabi-Nea tatua kon i naton. Pinotabá-Nea namangoi in Datu Mopoposaḷamat naton ki Yesus Kristus. Sia inta ain nonaḷow kon kawasa in popatoi. Tuata inta pinotaau kon Habar Mopia tatua.

Gade chapit la

TIMOTIUS 1 2:3

Sin natuabí in mopia bo kinoibog i Allah inta mopoposaḷamat naton.

Gade chapit la

TIMOTIUS 1 1:1

Timotius, adíku kon bonu in pirisaya kon i Tuhan! Surat tanaa in nongkon inakó, ki Paulus inta nobaḻí rasul i Yesus Kristus podudui in ibog i Allah, inta Mopoposaḷamat naton, bo podudui in parenta i Yesus Kristus oandoḷan kobiagan naton. Poigumon mako tua, ki Allah ki Amá naton bo ki Yesus Kristus, ki Tuhan naton in umuran mobogoi in barakat, totabi bo kobiagan motompia kon inimu.

Gade chapit la