TITUS 3:3 - Alkitab Singog In Mongondow Masa In Tanaa

³ Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

TITUS 3:3 Referans Kwoze

KOLOSE 1:21

Koḻipod moiko noyayú nongkon i Allah, bo Sia in sinaturu monimu sin oaid bo raian monimu moraat.

SURAT I PAULUS KON JAMAAT RUM 6:17

Táe sukurdon kon i Allah! Sin tungkuḷ intua moiko in nobaḻí ki ata in dosa, táe masai naa moiko in motoinduduidon totok kon totundú inta noitutui inta ain inogoi kon i monimu.

KOLOSE 3:7

Koḻipod moiko in dinumudui doman kon ibog natua mita, wakutu in kinawasaannea in moiko.

SURAT I PAULUS KON JAMAAT RUM 6:22

Táe tanaa in moiko ain pinilatan nongkon kawasa in dosa bo nobaḻídon mogogaid mita kon oaidan i Allah. Kauntungannea kon tua moiko in nobiagdon umuran kon i Allah, bo bungainea kon tua in mokouḻí in moiko kon kobiagan inta mopia bo mononoi.

PETRUS 1 1:14

Kotoinduduidon kon i Allah, bo donaaidon mobiag podudui in ibogmu koḻipod, wakutu i moiko diápa nonotaau kon i Allah.

AMSAL 9:6

Taḷaaidon in kobobodok, sinbá mosanang in iko. Duduiaidon in daḷan in intau moarip.”

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.

YOHANES 8:34

Dá ki Yesus in noguman kon i monia, “Poguman-Kudon kon i monimu, intau inta nogaid kon dosa, nobaḻí ki ata in dosanea tatua.

MATIUS 21:29

Adí tatua in notubag, ‘Doíbí akuoi papa.’ Táe onda intua nobaḷui in raiannea bo minayádon in sia nogaid.

MAZMUR 36:2

Dosa in mosingog kon bonu in gina in intau moraat, sia in beresibí diá moondok kon i Allah.

YAKOBUS 1:26

Aka oyúon in tobatú intau inta monganggap kon sia tua in motoḷutui in mopobayá kon parenta in agama, táe sia in diá mokotahang in diá mosingog kon intau, dá nonguboḷdon in sia kon inia tontaní; bo diádon mangaḻe in ibadanea tatua.

GALATIA 6:3

Aka tobatú intau bo nosangka kon sia tua intau moponting, bokaka diábí, yo sia in nonguboḷdon kon inia tontaní.

LUKAS 21:8

Ki Yesus in noguman, “Mokopoingatdon, sinbá moiko in diá koakaḷan. Moantó in intau in mamangoi momaké in tangoi-Ku bo moguman, ‘Akuoi in Sia!’ bo ‘Wakutuneadon.’ Táe dikabí indongogan monimu in mosia.

WAHYU 18:2

Nanaa in pinobaḷúnea: “Ain noḷabú! Babel kotá moḷoben tua ain noḷabú! Tanaa sia in nobaḻídon tampat in dimbuḷó bo dimukud mita moraat. Bo kon bonunea in nobiagdon norupa-rupamai in ḷagapan inta nonajis bo inta kinodoí in intau.

WAHYU 13:14

Bo bayongan in intau inta nobiag kon dunia naa akaḷannea in aidnea inta pinomianea kon tayowon in mahaḷuk inta muna tatua. Mosia in pinoki aidannea in patong mahaḷuk inta ain kinekeban in pitow, táe umuranpa nobiag.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

YESAYA 44:20

Aid natua in notongkaibí in nokaan kon ḷobud. Intau tatua in pinoḷaḻe in raiannea inta bodok, nodapot in sia in diádon kinotuḷungan bui. Sia in diábí mokopongaku kon patong inta kinadaiannea tatua in tongábí pongakaḷ.

OBAJA 1:3

Iko in koakaḷan in ginamu inta mododia. Ki iná in kotámu in buḷud batu inta moropot; pogogutunanmu in kon tudu in buḷud inta moḷantud. Sin kon raian monimu, ‘Ki ine in mokopoḷabú kon i nakó?’

AMSAL 8:5

Moiko inta diápa kopongalaman, pobalajar kon raian inta mopandoi; moiko inta moraat, pobalajardon momangaḻe.

SURAT I PAULUS KON JAMAAT RUM 6:6

Kinotaauan bidon naton kon tabiat naton saḷaku intau aindon noitakin pinopopakú kon kayu pinoyotaḻempang, sinbá kawasa in awak inta binaradosa naa inggamáandon, sahingga in kita in diádon umuran tonggataan in dosa.

SURAT I PAULUS KON JAMAAT RUM 6:12

Dika pomayá mako in kobiaganmu inta diá mononoi kon dunia naa in kawasaan dosa, sinbá diádon iko dumudui kon ibognea inta moraat.

SURAT I PAULUS KON JAMAAT RUM 11:30

Koḻipod in moiko diá motoindudui kon i Allah. Táe tanaa in pinoniatadon i Allah kon moiko in pinilatandon nongkon taḷá monimu, sin popisí in intau Yahudi diá motoindudui.

TIMOTIUS 2 3:6

Oyúon in kon sigad monia tua in sinumuotdon kon baḷo-baḷoiannea bo modondouḷug kon bobay mita inta diádon kodaya bo inta nobayongdon totok in taḷá monia sin tongádon umuran dumudui kon ibog in awak.

TIMOTIUS 2 3:13

Intau mita moraat bo mongouboḷ in kodugang-kodugangdon in koromú monia. Mosia in umuran monguboḷ kon intau ibanea, táe diábí kinotaauan monia kon mosia tua in kino akaḷanbí doman in intau ibanea.

TITUS 1:16

Mosia in mongaku kon nonotaaudon kon i Allah, táe oaid monia in diábí noidudui kon inta kinoibog i Allah. Oaid monia tua mokorongó bo diá doman motoindudui; mosia tua in intaubí mita inta diádon mokomampu mogaid kon inta mopia.

TITUS 2:12

Totabi i Allah tatua in motundú kon i naton bá diádon tongá umuran dumudui kon ibog in dunia naa, táe tantúdon dumudui kon ibog i Allah. Kita in pinoangoi in dunia naa, dinidikbí sinbá motaau monahang kon ibog in awak, umuran motuḻid in gina bo umuran doman dumudui kon inta pinarenta i Allah.

KINOBAḺIAN 38:9

Táe kinotaauan i Onan kon aka oyúondon in adínea yo deemanbí sia in kitogi gadí kon tua mita. Dá, pomuḷoi in sia mosiugdon moyotakin i baḷú i guya-guyangnea tatua, tongá tantúnea ḷumbúon kon ḷuai in tubignea sinbá ki guya-guyangnea diá mokouḻí kon buí.

KINOBAḺIAN 39:16

Bo ki buḷoi Potipar notagú kon jubah tatua dapot in ki buḷoinea nobui kon baḷoi.