TIMOTIUS 2 4:7 - Alkitab Singog In Mongondow Masa In Tanaa

⁷ Aka ná motanding yo akuoi in dinumuduidon totok kon pinotandingan nodapot kon bares pangabisan. Bo umuran in akuoi notoindudui kon i Kristus Yesus nodapot in pangabisan.

TIMOTIUS 2 4:7 Referans Kwoze

TIMOTIUS 1 6:12

Poramujidon totu-totuu mobiag saḷaku intau inta mopirisaya kon i Kristus. Mobiag mobanar bá mouḻímu in kobiagan mononoi. Sin tuabí in mangaḻe in pinogoinían i Allah kon inimu bo tua doman komintan inta umuran inakumu kon tayowon in intau moantó.

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

LUKAS 11:28

Táe ki Yesus noguman nanaa, “Intau inta mosanang totok in mosiabí inta moibog mokidongog kon Pirman i Allah, bo moibog mogaid kon onu inta pinoguman-Nea!”

WAHYU 3:8

Kinotaauan-Kubí in onu inta inaidan monimu. Kinotaauan-Kubí kon ropot monimu in diábí tongonu; moiko ain dinumudui kon totundú-Ku bo motoindudui kon i-Nakó. Moiko in pinobukatan-Kudon kon tobatú ḷoḻingkop, inta diábí koḻingkopan i inekabí.

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.

LUKAS 8:15

Yo aka bibit inta noḷabú kon butá mopia, tua in ibarat intau inta nokidongog kon Pirman, bo pinotonopnea totu-totuu kon bonu in ginanea sahingga in nonahang kon yagi-yagi sobaan bo nobogoi in bungainea inta totok in mopia.”

TIMOTIUS 1 6:20

Uḻe Timotius, adíku, onu inta pinoki aidku bo inta pinogumanku kon inimu, yo ḷukadai totok intua kopira! Donaai tongá mongonguman kon soaḷ inta diá in mangaḻenea bo inta moraat, dika tongá mobobayowan kon soaḷ mita inta sinangoian “Pongotahuan”.

TIMOTIUS 2 1:14

Takin totuḷung in Roho i Allah inta umuran kotaki-takin naton, umurai ḷukadai kopira in onu inta ain inogoi i Tuhan kon inimu, sin koboḻibí totok intua.

TIMOTIUS 1 1:18

Timotius, adíku! Oaidan tanaa in inogoiku kon inimu pinodudui kon koyow i Allah inta ain pinoyaput in nabi mita kon jamaat soaḷ iko. Baḻídon baḷunmu in koyow i Allah tatua in mogaid kon bayongan oaidan inta mopia. Poramuji totu-totuu takin umuran kumadai kon inta moitutui bo paké in gina motuḻid bo modarit.

YOHANES 17:6

Pinotaau-Kudon in ki Amá kon bayongan in intau kon dunia naa inta ain inogoi i Amá kon i-Nakó. Ki Amábí in kitogi kon i monia tua, bo ki Amábí doman in nobogoi kon monia tua kon i-Nakó. Mosia in dinumuduidon kon singog i Amá.

AMSAL 23:23

Totundú inta mobanar, hikmat, topotundú, bo pomomangaḻe – tua komintan in patusbí taḷuion, bo donaaibí potaḷui.

OUMAN IN RASUL MITA 13:25

Naonda in motoyongdon mopaḷut in oaidannea, ki Yohanes in noguman kon i monia nanaa, ‘Degá kai monimu kamai yo ki inebí in akuoi naa? Akuoi naa in deemanbí Sia inta oḷaton mako monimu. Táe moiangoibí in Sia inta oḷaton mako monimu nion, moitoḷuan mangoi kon inakó; umpaka tongá mobuka kon togot in sapatu-Nea yo diá mokobaḻí akuoi.’

GALATIA 2:2

Akuoi in minayá in Yerusalem sin ki Allahbí in nopotabá. Bo kon tobatú pinoyodungkuḷan takin itoi mita kon tua, akuoi noginsilang kon Habar Mopia inta pinoyaputku kon intau mita inta deeman Yahudi. Sin doíbí in akuoi aka usahaku koḻipod bo masa in tanaa, tongá mobaḻí diá baraguna.

PILIPI 1:30

Tanaa, moiko in noyotakinku nogaid kon oaidan inta notongkai; tuata in oaidan inta nokoimontandon inontong monimu iramujiku totok in koḻipod, bo inta tantúku doman ramujion dapot kon tanaa mako, ná inta dinongogdon monimu masa in tanaa.

TIMOTIUS 2 3:10

Iko aindon dinumudui kon onu inta sinundúku, kon onu inta ain pinomiaku, bo kon tujuan kinobiaganku. Bo ain inontongmu tontaní naonda in kopopirisayaku kon i Yesus Kristus bo tabiku kon tumpaḷa intau. Kinotaauanmu bidon in kososabarku bo kototahang in ginaku.

WAHYU 6:11

Mosia in sinukidan in jubah nobudó. Bo mosia in pinoki pogogaianpa bui motoyong sin pogoḷa-goḷatan kon kotompodan in kobayong yobayat mita inta topogaidan monia bo ki utat mita monia inta ḻimodon ná mosia.

PINOGIAPAN 8:25

bo kon umur ḻima nopuḷúdon notaong sia ḷuatandon kon oaidannea.

HAKIM MITA 3:2

Pinomia i Tuhan intua tongábí makusud motundú kon bayongan in intau mita topobiagan kon Israel moparang, inta dungkuḷ totok in mosia inta diápa kon dodai in onda sinumakin noparang.