TIMOTIUS 2 4:2 - Alkitab Singog In Mongondow Masa In Tanaa

² Sinbá iko in umuran moibog in mopotaau in Habar Mopia inta nongkon i Allah, bo poigum kon i monia sinbá moibog mokidongog, mopia andeka diá mopia in wakutunea. Popoyakindon in intau, bo poguman onu inta noitaḷá, bo umuraibí iropotai in mosia. Mokoposabar in motundú kon i monia.

TIMOTIUS 2 4:2 Referans Kwoze

TESALONIKA 1 5:14

Utatku mita naa doman dugang in tonggina nami kon i monimu; toboḷow pia-pia mako in mosia inta doí mogaid bo tantú irigonai in gina in intau mita inta mongoondok, bo dika koḻiongan in motuḷung kon intau mita bogá bo mokoposabar in tumayow kon intau inta noyagi-yagimai in oaid.

TITUS 2:15

Tundúdon kon i monia intua komintan, tongginaai bo poḷat togur kopiaan i mosia inta mokidongog kon inimu. Dika in iko moibog tomongoadíon in tobatúmai intau.

TIMOTIUS 1 4:13

Samantara in akuoi diápa moiangoi, dá mokoporajingdon in mobaca kon buk mita motusi sinbá motaau in iko mononggina bo motundú kon bayongan intau inta mopirisaya.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.

TITUS 1:13

Bo totuubí in singog in nabi tatua. Manangka intua musti tongginaanmu kopiraan in mosia tua, sinbá mosia in umuran kumadai kon onu inta moitutui

TIMOTIUS 2 2:21

Intau inta monaḷámaidon kon bayongan inta moraat kon inia, yo sia tua in pakéon pogaid kon oaidan inta mopia totok. Dongkadon ki tuangnea in ki togi kon inia bo mobaraguna domandon in sia kon i tuangnea. Sia in sinadiadon sin pakéon kon bayongan oaidan inta mopia.

GALATIA 6:6

Intau inta notarima kon totundú i Kristus, musti mosilai doman kon i gurunea kon bayongan inta mopia, inta oyúon kon inia.

SURAT I PAULUS KON JAMAAT RUM 12:12

Utat, poharapdon kon i Tuhan takin ḷunganga in gina, mokoposabar aka koantugan in susa, bo umuran posambayang.

TIMOTIUS 2 3:10

Iko aindon dinumudui kon onu inta sinundúku, kon onu inta ain pinomiaku, bo kon tujuan kinobiaganku. Bo ain inontongmu tontaní naonda in kopopirisayaku kon i Yesus Kristus bo tabiku kon tumpaḷa intau. Kinotaauanmu bidon in kososabarku bo kototahang in ginaku.

TIMOTIUS 1 5:20

Intau inta nogaid kon inta diá mopia mustibí togur kon tayowon jamaat mita, sinbá dongogondon in intau ibanea bo moondokdon in mosia in mogaid kon inta diá mopia tatua.

KOLOSE 1:25

Akuoi in binaḻí i Allah mogogaid-Nea sin kopontingan monimu saḷaku jamaat-Nea. Akuoi in mustibí mopoyaput in bayongan habar nongkon i Allah,

SURAT I PAULUS KON JAMAAT RUM 10:15

Bo naondabí intau mayá mopotaau in habar tatua, aka mosia in diá potabá? Ain doman pinais kon Buk Motusi nanaa, “Mopiadon totok in koangoian in intau mita inta nodia kon Habar Mopia nongkon i Allah!”

YUNUS 3:2

Kai-Nia, “Bayádon kon Niniwe, kotá moḷoben tatua, bo potaaudon kon intaunea mita in koyow inta poguman-Ku kon inimu.”

OUMAN IN RASUL MITA 20:7

Doḷom diminggu kami in noyosipun sin mongaan moyotakin in bayongan ginaḷum mita kon tua. Ki Paulus nososiritaanpa mako in bayongan intau inta mopirisaya kon tua, sin tomayánea in mayádon bui in sia in mopoikoḷomai kon singgai. Mosia in nongonguman nodapot noonggot kon doḷom.

OUMAN IN RASUL MITA 16:13

Kon singgai in Sabat kami minayá in bingkí in tubig kon ḷuai in ngara in kotá, sin kinotaauan nami kon oyúon in baḷoi pososambayangan in intau Yahudi kon tua. Bo iḻimitúpa in kami noyosingog mako in bobay mita inta noyosipun kon tua.

LUKAS 9:60

Táe ki Yesus in noguman kon inia, “Pomayádon mako in intau minatoi moḷobong kon intau minatoi; táe iko in bayádon bo poyaputdon in Habar Mopia kon bayongan intau kon ḻipu-ḻipúannea. Poguman kon ki Allah in mamangoidon momarenta saḷaku Datu.”

LUKAS 7:4

Mosia in minayá kon i Yesus, bo naonda in noiyaput kon i Yesus, mosia nopoigum totok sinbá Sia in moibog mamangoi motuḷung kon porwira tatua. Mosia in noguman nanaa, “Porwira tatua patusbí tuḷungan i Amá,

TESALONIKA 1 5:20

Bo donaaibí anggapon monimu kon diá in mangaḻe in habar mita inta inogoi in Roho i Allah kon i monimu.

LUKAS 7:23

Pia in kamang in intau inta diá kon dodai in onda in mogindoí kon i-Nakó.”

MAZMUR 40:9

Mopia in ginaku in mogaid kon kinoibog-Mu, o Allah, hukum-Mu sinagúku kon bonu in gina.”

TIMOTIUS 2 2:25

Sia in musti mokopoḷukó kon bahasa aka motundú kon intau mita inta moibog momaḷawang; bo tantú mopoigum mako bá ogoian i Allah in kasampatan in intau mita tatua sinbá mogogaidon in mogaid kon dosa bo monotaaudon kon totundú inta noitutui.

IBRANI 13:22

Poigumonku kon i monimu utat mita, sinbá indongoganpa monimu in tongginaku mita naa takin gina mosanang, sin nopoḷokbí in suratku tanaa.

OUMAN IN RASUL MITA 28:16

Naonda in kami noidapotdon in Rum, ki Paulus in inogoi nogutun tontaní táe sinakinan in tontara tobatú inta moḷoḷukad.

OUMAN IN RASUL MITA 13:5

Naonda in noiyaput in mosia kon ḻipú in Salamis, mosia in nopotaa-taau mako in pirman i Allah kon bonu in baḷoi mita pososambayangan in intau Yahudi. Kon binayáan monia tatua, ki Yohanes inta dinonoi ki Markus in notuḷung kon i monia.

KOLOSE 4:3

Sambayangai doman in kami sinbá ogoian i Allah in kasampatan mopia kon mopotaa-taau mako in habar soaḷ inta noibuni kon i Kristus. Inta lantaran soaḷ tatuata dá tanaa mako akuoi binonu kon ponjara.

TESALONIKA 1 1:6

Moiko in dinumuduidon kon onu inta inontong monimu inaidan nami bo inta inaidan i Tuhan. Umpaka moiko nobiag nororiga sin pinogutú totok in intau ibanea, táe Habar Mopia inta pinoyaput nami kon i monimu in sinarimabí monimu takin sanang in gina. Sanang in gina tatua in Rohobí i Allah in nobogoi.