TIMOTIUS 2 3:6 - Alkitab Singog In Mongondow Masa In Tanaa

⁶ Oyúon in kon sigad monia tua in sinumuotdon kon baḷo-baḷoiannea bo modondouḷug kon bobay mita inta diádon kodaya bo inta nobayongdon totok in taḷá monia sin tongádon umuran dumudui kon ibog in awak.

TIMOTIUS 2 3:6 Referans Kwoze

YUDAS 1:4

Sin diá kinotaa-taauanmai, naanta oyúon bidon in intau mita ibanea inta umuni-uni mako bo sinumuot kon yua-yuak naton. Mosia tua in intau mita moraat inta mopoyotuuy in habar soaḷ totabi i Allah naton. Makusud monia tua in motayakbí kon kasampatan mopoaid in onu inta kinoibog in awak monia. Mosia tua in diá mopirisaya kon ki Yesus Kristus tua in mongongawasa bo Tuhan naton. Nongkon tungkuḷpabímai hukuman kon i monia tua aindon pinotaau muna kon bonu in Buk Motusi.

PETRUS 2 3:17

Táe moiko utat mita inta kinotabiku, kinotaauan bidon monimu intua. Tuamai mokopoingat sinbá moiko in diá moidudui kon aid in intau mita moraat tatua bo inta diá doman nonotaau in hukum, bo moiko in moḷabú nongkon dodoyonan kobiagan monimu inta moroton.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

YUDAS 1:18

Munadon pinotaau monia kon inimu, kon aka kodiug-kodiugdon in singgai pangabisan yo moiangoibí in intau mita inta moningkuḻe kon i monimu, mosia tuata in intau mita inta nobiag podudui in ibog monia inta baradosa naa.

TITUS 1:11

Intau mita natua in mustibí tokohukumon in bibig monia, sin onu in sinundú monia tua, tongábí mopotombauk kon raian in intau mita inta nobiag tobaḷoian. Tua mita in pinomia monia sin motayak kon kauntungan inta diá patus.

YUDAS 1:16

Intau mita tatua in umuran mongunsingog bo mopotaḷá kon intau mita ibanea. Mosia in mobiag podudui in ibog monia inta baradosa naa. Mosia in mongonguman kon moḷantud soaḷ kaadaan monia tontaní, bo umuran umapid mako kon intau sinbá mokouḻí kon kauntungan.

PETRUS 2 2:18

Mosia in umuran mopodandi in uboḷ mita bo inta diá baraguna. Ibog monia inta mokotor totok tatua pinaké monia mopoyaying kon i monia inta bagupa nopirisaya kon i Tuhan.

KORINTUS 1 12:2

Toropdon, kon wakutu in moiko diápa nonotaau kon i Tuhan, moiko in umuranpabí dinumudui kon berhala inta bobó.

MARKUS 4:19

táe mohawatir kon soaḷ kobobiag monia bo moibog mooyúon totok. Ibog monia kon bayongan yagi-yagi in tumuot doman kon gina monia. Tuamai in habar nongkon i Allah inta kon bonu in gina monia sisionnea sahingga diá momungai.

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

TIMOTIUS 1 6:9

Táe intau inta moibog mobaḻí mooyúon tombodokondon in ibognea inta diá in baragunanea bo inta mokogoguyaat kon inia. Ibog mita tatua in mokorimumud bo mokobodito kon inia.

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

YESAYA 1:4

Moboditodon in moiko bangusa inta binaradosa, intau mita inta moromú bo moraat! Moiko nion in noitampuḻisi popisí in dosamu mita. Moiko in nondoídon kon i Tuhan bo nonoḻikudon kon i Allah Inta Totok in motusi inta musti sumbáan monimu.

MAZMUR 38:4

Motakit mobogat in akuoi popisí in torú-Mu; diádon in mosehat in kon awakku popisí in dosaku.

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

TIMOTIUS 1 5:6

Táe aka tobatú boba-bobay inta totokpa in moibog in kasanangan in dunia naa yo mosia tua in sabanarnea minatoi bidon, umpaka awak monia tua in nobiagpa.

MATIUS 23:14

Koboditodon in moiko, mototundú mita kon agama bo intau mita in Parisi: Moiko in intau mita inta mongomunapik. Moiko monguboḷ kon intau mita inta dongkadon boba-bobay bo mogagow kon baḷoi monia. Moiko in mosambayang koḷanggo-ḷanggóon sin ponaḷob kon oaid monimu inta moraat tatua. Tuamain hukuman i Allah kon i monimu in pastibí kon moboga-bogat nongkon intau ibanea!]