TIMOTIUS 2 3:13 - Alkitab Singog In Mongondow Masa In Tanaa

¹³ Intau mita moraat bo mongouboḷ in kodugang-kodugangdon in koromú monia. Mosia in umuran monguboḷ kon intau ibanea, táe diábí kinotaauan monia kon mosia tua in kino akaḷanbí doman in intau ibanea.

TIMOTIUS 2 3:13 Referans Kwoze

TIMOTIUS 1 4:1

Roho i Allah in muna bidon noguman nanaa: Kon singgai mita inta moiduduimai, oyúon in intau mobaḷuidon in pirisaya monia kon i Kristus. Mosia in dumuduidon kon dimukud mita inta tongá mopororigamai bo poḷat doman dumudui kon totundú mita in dimukud moraat tatua,

PETRUS 2 2:20

Intau inta nonotaaudon kon i Tuhan bo kon i Mopoposaḷamat naton ki Yesus Kristus, yo sia tua in noipilatdon nongkon kawasa mita in dunia naa inta mokokotor kon intau. Táe onda intua sia in buidon nogaid kon inta moraat, dá oaid in intau tatua in moiḻiu bidon totok kon koraatnea inta muna.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

TIMOTIUS 2 3:8

Sahingga in mosia tua naonda bo ki Yanes bo ki Yambres tungkuḷ intua inta umuran moḷawang kon i Musa. Natua doman in oaid in intau mita tatua umuran moḷawang kon totundú inta nongkon i Allah. Raian monia tua in nogoguyaatdon bo pirisaya monia tua in diádon tongo onu.

PETRUS 2 3:3

Inta musti totok kotaauan monimu in nanaabí: Kon singgai tumi mamangoi in intau mita inta kobobiag monia kinawasa ibog in awak monia tontaní. Mosia in moningkuḻe kon i monimu.

AYUB 12:16

Ki Allah tua in moropot, moroton bo ponango-nangoian! Ki inta mongonguboḷ bo ki inta kino uboḷan kon bonubí in kawasa-Nea.

WAHYU 13:14

Bo bayongan in intau inta nobiag kon dunia naa akaḷannea in aidnea inta pinomianea kon tayowon in mahaḷuk inta muna tatua. Mosia in pinoki aidannea in patong mahaḷuk inta ain kinekeban in pitow, táe umuranpa nobiag.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

YESAYA 44:20

Aid natua in notongkaibí in nokaan kon ḷobud. Intau tatua in pinoḷaḻe in raiannea inta bodok, nodapot in sia in diádon kinotuḷungan bui. Sia in diábí mokopongaku kon patong inta kinadaiannea tatua in tongábí pongakaḷ.

WAHYU 18:23

Intau mita in diá bidon mokoontong kon bayag in togá kon kotámu; bo diábí domandon kodongogan in poramean ponikaan kon tua. Podagangmu mita tua in intaubí mita moḷoben kon dunia naa, bo totaau pongonggaingmu tua in pinonguboḷmu kon bayongan in intau kon dunia naa!”

KORINTUS 2 6:8

Oyúon in mohoromat kon i nami, táe oyúon doman in moningkuḻe; oyúon in moduí, táe oyúon doman moponapud in diá totuu. Umpakabí kami in mojujur, táe kai monia kami in mouboḷ.

YEHEZKIEL 8:13

Bo ki Tuhan in noguman kon inakó, “Iko in mokoontong kon i monia mogaid kon inta moiḻiu in mokorongó.”