TIMOTIUS 2 3:11 - Alkitab Singog In Mongondow Masa In Tanaa

¹¹ Kinoontonganmudon doman naonda in kororiga pogutúon ná inta kinorasaanku kon Antiokhia, kon Ikonium bo kon Listra. Bo kinotaauanmubí in bayongan roriga inta kinorasaanku tua! Táe pinosaḷamatbí i Tuhan in akuoi nongkon bayongan tua.

TIMOTIUS 2 3:11 Referans Kwoze

MAZMUR 34:19

Ki Tuhan in nodiug kon intau inta kinobuḻian in kamang; bo moposaḷamat kon intau inta noinggamá in ibog.

OUMAN IN RASUL MITA 13:45

Wakutu in inontong intau mita Yahudi in intau moantó tatua, mosia in totok nointoi. Totok monia singkuḻeon in ki Paulus bo toko bayowan monia onu in pinogumannea.

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,

TIMOTIUS 2 4:7

Aka ná motanding yo akuoi in dinumuduidon totok kon pinotandingan nodapot kon bares pangabisan. Bo umuran in akuoi notoindudui kon i Kristus Yesus nodapot in pangabisan.

OUMAN IN RASUL MITA 26:22

Táe tantúpabí sinotabi i Allah in akuoi dá notaaupabí sinimindog kon naa in tanaa mako bo mongonguman kon bayongan inta ain kinorasaanku kon bayongan intau – moḷoben andeka mointok. Onu in inoumanku naa in diábí noyoposi in onu inta ain muna pinoguman in nabi mita bo i Musa;

OUMAN IN RASUL MITA 26:17

Tondíon-Ku in iko kon sigad in intau mita in Israel bo intau mita inta deeman Yahudi. Potabá-Ku in iko mayá kon i monia

OUMAN IN RASUL MITA 23:10

Nodugangdon noḷoben in bobayowan monia tatua, dá noondokdon itoi in tontara tatua sin dikabo ḻibutan monia in ki Paulus bo patoion. Tuamai binayáneadon pinoki gamá in ki Paulus nongkon yuak monia tatua bo pinoki dia bui kon tampat monia tua.

OUMAN IN RASUL MITA 20:19

Akuoi in notuḷung kon i monia takin sanang in gina takin nokopoompá kon dodia, poḷat doman noḷabú in ḷuá in mogaid kon oaidan inta pinoki aid i Tuhan. Akuoi in nogaid umuran doman mokorasa kon roriga sin tantú moyogintayow mako in tomayá moraat in intau mita in Yahudi.

OUMAN IN RASUL MITA 13:14

Nongkon Perga, ki Paulus bo yobayatnea mita nongingguput kon bobayáan monia noidapot kon Antiokhia inta kon Pisidia. Onda intua kon singgai in Sabat mosia in minayá in baḷoi pososambayangan bo iḻimitú mako kon tua.

OUMAN IN RASUL MITA 9:16

Bain Akuoi tontaní in mopoontong kon inia kon bayongan roriga inta musti korasaannea popisí in pirisayanea kon i-Nakó.”

DANIEL 6:27

Pogumankudon kon bayongan in intau inta kon bonu in kawasa in dodatuanku sinbá motoguondok bo mohoromat kon i Allah inta sinumba i Daniel! Sia in ki Allah inta nobiag mononoi, modapot in singgai kopaḷutan in dunia Sia in momarenta. Dodatuan-Nea in diábí moyopú. Kawasa-Nea in diábí modai-dait.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

MAZMUR 91:14

Guman i Tuhan, “Intau inta moibog kon i-Nakó in posaḷamaton-Kubí, inta mopirisaya kon i-Nakó in ḷukadan-Kubí.

MAZMUR 37:40

Sia in notuḷung bo noposaḷamat kon i monia, bo nopoḷagui kon i monia nongkon intau mita moraat, sin mosia in noniung kon i-Nia.

SAMUEL 2 22:49

Pinosaḷamat-Nea in akuoi nongkon musungku mita. Tuhan, pinopountung-Mu in akuoi nongkon musungku, Iḷukadan-Mu in akuoi nongkon intau mita inta moromú.

SAMUEL 2 22:1

Naonda in ki Tuhan noposaḷamat kon i Daud nongkon i Saul bo nongkon musungnea ibanea, nopodondong in ki Daud in dondong tanaa kon i Tuhan: [

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

OUMAN IN RASUL MITA 14:8

Kon Listra oyúon in ḷoḷaki tobatú inta sioḷnea noḻempeng nongkon noilahirpamai, sahingga in sia diá kon dodai in onda in nokobayá, sin totuu moḻemé in sioḷnea.

SURAT I PAULUS KON JAMAAT RUM 15:31

Sambayangaidon sinbá pilatandon i Allah in akuoi nongkon kawasa in intau mita kon Yudea inta diá mopirisaya bo bá oaidanku in modia kon totuḷung kon Yerusalem tarimaan in umat mita i Allah kon tua takin sanang in gina.

KORINTUS 2 1:5

Yoyiga inta kinorasaan i Kristus nobayong domandon in kinorasaan nami. Lantaran ki Kristus tua, dá gina nami nobaḻídon noropot.

KORINTUS 2 1:7

Kami in tantúbí moyakin bo diábí moḻia-ḻiaw in gina nami kon i monimu, sin kinotaauan bidon nami kon moiko nion in moibogbí moyoyiga takin nami. Manangka intua moiko in iyigonan doman takin nami.

KORINTUS 2 12:10

Tuamai mopiabí in ginaku aka umuran moḻemé nanaa in kaadaan in awakku. Bo mopiabí doman in ginaku aka lantaran ki Kristus, akuoi in poponapudan in uboḷ, mokorasa kon rupa-rupa yoyiga, aḷo-aḷowan mako pogutúon. Sin aka korasaanku bo diádon mokopongonu in akuoi, yo kon wakutupa doman tuata bo oyúon ropot in korasaanku.