TIMOTIUS 1 6:5 - Alkitab Singog In Mongondow Masa In Tanaa

⁵ bo umuran moyogenggeng. Raian in intau mita natua ain nobangkung bo diádon motaau pirisayaanmai. Inanggap monia in agama naa in motaaubí potayakan kon kauntungan tontaní.

TIMOTIUS 1 6:5 Referans Kwoze

TIMOTIUS 2 3:5

Koontongan in mosia morajing moibada, táe onu inta pinoguman kon bonu in agama diábí duduian monia. Manangka intua dikabí dimiug kon i monia tua.

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.

TITUS 1:11

Intau mita natua in mustibí tokohukumon in bibig monia, sin onu in sinundú monia tua, tongábí mopotombauk kon raian in intau mita inta nobiag tobaḷoian. Tua mita in pinomia monia sin motayak kon kauntungan inta diá patus.

TIMOTIUS 2 3:8

Sahingga in mosia tua naonda bo ki Yanes bo ki Yambres tungkuḷ intua inta umuran moḷawang kon i Musa. Natua doman in oaid in intau mita tatua umuran moḷawang kon totundú inta nongkon i Allah. Raian monia tua in nogoguyaatdon bo pirisaya monia tua in diádon tongo onu.

TIMOTIUS 1 6:6

Totuubí kon agama tua in mobogoibí in kauntungan moḷoben, aka intau tatua in umuran moorop in onu inta oyúon kon inia.

TIMOTIUS 1 3:3

donaaibí in intau inta umuran moḷoḷangu, ande intau inta moibo-ibog moropatoi, táe intaubí inta moaḷus in dodia bo pososingognea bo inta moibog doman in dodamean, bo diá dinoit.

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 12:33

“Aka pangkoinea bo kai in monimu mopia, yo bungainea in mopiabí doman. Tongá aka pangkoinea, kai monimu bo diá mopia, dá diá doman mopia in bungainea. Sin bungaineabí tua in ponandaan kon pangkoinea.

TIMOTIUS 1 1:6

Sin oyúon intau in diádon nobiag natua, bo dongkadon tantú mobobayowan kon soaḷ inta diá in baragunanea.

WAHYU 18:3

Sin bayongan in bangusa ain nonginum kon anggur ibognea inta mokotor. Datu mita kon dunia naa ain nogaid kon kotor takinnea, bo intau mita inta modagangmai kon dunia naa nooyúondon in ibognea inta diádon kotahangan tua.”

YUDAS 1:11

Mobodito in mosia! Mosia in dinumuduidon kon onu inta inaidan i Kain. Inta tongá popisí in bá mokouḻí kon doit, dá nogaidon kon onu inta diá kinoibog i Allah, ná doman ki Bileam. Bo mosia tua in irimumud doman popisí in nomarontak ná ki Korah.

PETRUS 2 2:15

Popisí in mosia bo doí dumudui kon onu inta noitutui, dá noiḷangkamdon in mosia. Mosia in dinumuduidon kon i Bileam ki adí Beor tungkuḷ intua. Ki Bileam naa in moibog totok tondanan sinbá mogaid kon inta moraat.

TIMOTIUS 1 3:8

Natua doman in mobobantung mita in jamaat, mustibí in mosia intau inta mopia bo mojujur; diá dinoit bo diá umuran monginum kon inta mokoḷoḷangu.

TESALONIKA 2 3:6

Utatku mita, podoyon kon tangoi i Tuhan Yesus Kristus, kami in moguman kon i monimu sinbá moiko in umuran mokopoyayú kon i monia inta maḷat bo doí dumudui kon onu inta sinundú mita nami kon i monia.

MATIUS 21:13

Bo Sia in noguman kon i monia nanaa, “Aindon pinais kon Buk Motusi, ‘Baḷoi-Ku in tangoionbí Baḷoi Pososambayangan.’ Táe inaidanbí monimu pugad in mogogagow!”

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

YEREMIA 8:10

Tuamai Akuoi in mobogoidon in gobá monia kon i togi butá ibanea, bo ki buḷoi monia kon intau ibanea. Mosia komintan, moḷoben andeka mointok, motayak kon kauntungan pongin aid inta diá motuḻid. Nodapot in nabi bo imang in monguboḷ doman kon intau.

YEREMIA 6:13

Mosia komintan pinomayá mointok andeka moḷoben, motayakbí kon kauntungan podoyon kon aid diá motuḻid. Nodapot in nabi bo imang monguboḷ kon intau.

YESAYA 56:11

Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

WAHYU 18:13

Kuḻit in kayu manis, pododungú mita, bahan mita mobondu, taḷong mobondu bo kamania, anggur bo ḷana, topong bo gandum; sapi, domba, kabaḷo bo kereta, ata mita, nodapot kon nyawa in intau.

KORINTUS 1 11:16

Tongá aka oyúon in momayow kon soaḷ tanaa yo nanaa in pogumanku kita andeka jamaat mita i Allah ibanea, komintanbí tongá tobatú tatua in nobaḻí kabiasaan kon bonu in jamaat i Allah, diábí in ibanea mako.

TIMOTIUS 1 4:7

Dikadon mopirisaya kon ouman mita inta tongá pomia-miaan in intau bo inta diá in mangaḻenea. Táe tantúdon poḷatih moibada kon i Allah.

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.