TIMOTIUS 1 3:2 - Alkitab Singog In Mongondow Masa In Tanaa

² Tuamai intau inta mobaḻí itoi kon jamaat in mustibí intau inta motuḻid in gina, tongá tobatú in ki buḷoinea, mokokawasa kon ibog in gina, mobijaksana, mopia in oaid, moibog motuḷung kon bayongan in intau bo motaau motundú kon inta mopia kon intau ibanea;

TIMOTIUS 1 3:2 Referans Kwoze

TIMOTIUS 2 2:24

Intau inta nogaid kon oaidan i Tuhan in diábí mopia aka moyogenggeng. Mustibí mokopoaḷus kon pososingog bo mokopoompá kon dodia kon tumpaḷa intau, bo kopira doman in motundú kon intau bo mosabar.

SURAT I PAULUS KON JAMAAT RUM 12:13

Tuḷungai bo ogoiai onu in paraḷu in intau mita Keresten ibanea, bo tomubí takin pia in gina in utat mita Keresten umpakabí diá nogogintaauan monimu in mosia. Tarima doman takin sanang in gina in mosia kon baḷoimu.

TIMOTIUS 1 5:9

Intau inta motaau tangoion dongkadon boba-bobay, tongábí mosia inta nongkon umurdon onom nopuḷú notaong bo namonik, bo mosia inta tongá komintan pinobuḷoi,

PETRUS 1 4:9

Bo moiko in musti motaau mosipasiaran kon baḷoi takin diá mogamui.

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.

IBRANI 13:2

Dika moondo-ondok in motarima kon intau mita inta diápa nogogintaauan monimu aka mongandup in sia kon baḷoimu. Sin nokoimontandon in nobaḻí, oyúon intau in noibog pinongandupan in intau mita inta diá nogogintaauannea, bo naanta mosia tua in malaekatbí mita.

TITUS 2:2

Tongginaai in guyanga mita ḷoḷaki, sinbá mokotahang kon gina in mosia, mobijaksana bo mobiag saḷaku guyanga inta patus horomaton. Umuran doman kumadai kon totundú inta noitutui nongkon i Allah bo totu-totuu doman motabi bo mosabar aka koantugan in roriga.

PILIPI 2:15

Sin aid natua in mopoontongbí kon moiko in ki adí mita i Allah inta diá kotaḷá, inta nobiag kon yua-yuak in intau mita masa naa inta gina diá mongotuḻid bo nobiag diá mongotoḷutui. Sahingga in moiko umuran monimbayag kon yua-yuak monia tua, naonda bo tundi mita kon ḷangit, táe dika taḷaan in pirman i Allah inta nobaḻí dodoyonan in kobiagan, sinbá oyúon in mokosanang kon ginaku aka moiangoidon singgai i Kristus, sin moniatadon kon onu inta iramujiku tua in komintanbí nobaraguna bo oyúon in mangaḻe irorigaankumai tua.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

IBRANI 3:14

Kita naa in komintanbí yobayat topogaidan i Kristus asaḷ bo tantú kumadai kon onu mita inta pinirisayadon naton nongkon pinomangkoianmai modapot kon kopaḷutan in dunia naa.

TIMOTIUS 1 4:3

Mosia in motundú kon intau bá diá mobuḷoi bo diá doman mokaan kon kaanon inta ain sinantú monia. Bokaka kaanon tatua in pinomia i Allah sin kaanon takin mosukur kon i-Nia in intau mita inta ain nopirisaya kon i Kristus bo inta ain nonotaau kon totundú inta mobanar nongkon i Allah.

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

YESAYA 56:10

Guman i Tuhan, “Itoi mita in bangusa-Ku in intau mita bilog! Mosia in diábí nonotaau in onu bo onu. Mosia in naonda bo ungkú bobó inta diá mogaú, táe tongábí mosiug mako bo tumogoindop. Mosanang totok in mosia in mosiug!

LUKAS 2:36

Kon tua oyúon doman in nabi bobay inta ain nogoguyang totok. Ki Hana in tangoinea, ki adí i Panuel, nongkon suku in Asyer. Pitu notaong sia nobiag noyotakin i buḷoinea,

TIMOTIUS 1 3:8

Natua doman in mobobantung mita in jamaat, mustibí in mosia intau inta mopia bo mojujur; diá dinoit bo diá umuran monginum kon inta mokoḷoḷangu.

TIMOTIUS 1 3:12

Intau inta mobaḻí mobobantung kon jamaat, mustibí tongá tobatú in ki buḷoinea. Bo musti doman motaau modidik kon i adínea mita bo mopia monompia kon kobobiag in tombonu in baḷoinea.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

TIMOTIUS 1 5:22

Dikabí gumampanganmai in monantú poḷat momarakat kon intau sin baḻíon mogogaid kon oaidan i Tuhan. Bo aka oyúon in intau nogaid kon inta diá mopia yo donaaibí dumayan in iko. Tantúbí ḷukadai in awakmu bá umuran modarit.