Biblia Todo Logo
Bib sou entènèt

- Piblisite -




TIMOTIUS 1 3:16 - Alkitab Singog In Mongondow Masa In Tanaa

16 Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

Gade chapit la Kopi




TIMOTIUS 1 3:16
81 Referans Kwoze  

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.


Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.


Naonda in ki Yesus nopaḷut nongonguman monia, Sia sinintakdon minayá in soroga. Kon tua, Sia momarenta takin i Allah.


Dinayo-dayowdon in ki Allah! Sia in mongawasa moginrigon kon pirisaya monimu podudui in Habar Mopia nongkon i Allah inta pinotaauku soaḷ ki Yesus Kristus. Habar inta pinotaauku tua in notongkai in onu inta pinoontong i Allah kon inakó; tuata in soaḷ tomayá i Allah inta noonggotdon totok in kinotaauan intau.


Sinimindogpa mako in mosia sin moporai-raimai kon soaḷ tatua, daḻíbí bo noisindogbí magí kon diug monia in intau doyowa inta nogiḷambung nobudó mopouḻi-uḻinag.


Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.


Wakutu in kinobiagan tatua pinoniata, nokoontong doman in kami. Tuamai kami in mobogoi in sakusi soaḷ Sia. Kami in mopotaau kon i monimu soaḷ kobiagan mopia bo mononoi moyotakin i Amá, sin tua aindon pinoontong kon i nami.


bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.


Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.


Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.


Naa komintan inaidanku sinbá moropotdon in gina monia bo mositabian poḷat mobiag motobatú, sahingga in mosia totu-totuudon momangarti bo moyakin poḷat monotaau kon onu inta binuni i Allah, tuata in ki Kristus tontaní.


Kon umat-Nea tatua ki Allah in moibog moponiata kon totokbí in mopia bo moḷoben in onu in binuni kon intau mita ibanea. Naa inta binuni tatua: Ki Kristus tua in nionbí kon i monimu, bo tua in mangaḻenea, kon moiko in moitakin doman mokorasa kon kamuliaan i Allah.


Habar nongkon i Allah tatua in noiwayadon kon bayongan dunia naa, bo kobiagan in intau umuran binarakatan in habar tatua, notongkai doman in kobiaganmu ain binarakatan pinangkoipamai in moiko nokodongog kon soaḷ totabi i Allah bo totu-totuu inindongogan monimu intua.


Tobatú malaekat namangoi kon i-Nia bo noginropot kon gina-Nea.


Naonda in nopaḷut binaptis, ki Yesus ḷagi nobatun nonaḷámai kon tubig tatua, bo kon dodai doman intua ḷangit nobukat bo inontong-Nea in Roho i Allah naonda bo ḷagapan paḷoma noponag kon i-Nia.


Bo kinotaauan bidon monimu kon ki Kristus tua in namangoi sin motobut kon dosa mita intau, bo Sia tua in diábí kon dosa.


Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.


Takin gina modarit bo motuḻid mosia in musti umuran kumadai kon totundú inta pinirisaya in intau Keresten inta ain pinoniata i Allah.


bo inontongnea in malaekat doyowa nogiḷambung nobudó. Mosia in iḻimitú kon tampat inta pinoguḻidan kon mayat i Yesus. Tobatú kon dotá in uḷuan, bo tobatú kon dotá in sioḷan.


“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”


Nopaḷut mako kon tua akuoi in nokoontongpa bui kon intau inta modamaḷ totok, diádon tobatúmai in intau in mokoiyap kon kobayongnea tua. Mosia tua in intau mita inta nongkon bayongan bangusa, suku, negara bo bahasa. Mosia in sinimindog kon tayowon in tampat pomomarentaan tatua bo kon tayowon i Adí in Domba. Mosia komintan nogiḷambung in jubah nobudó bo kokada-kadai doman tanga in kayu palem.


Ki Kristus in piniḻídon i Allah kon wakutupa in dunia naa diápa pinomia. Bo kon singgai mita tumi naa, sia namangoi in dunia naa sinbá posaḷamaton in moiko.


Totuu kon diábí motaau bayowan, kon intaubí inta binarakatan in moompá-ompá nongkon intau inta nomarakat kon inia.


Bo sambayangai doman in akuoi, sinbá wakutu in akuoi mosingog ogoian i Allah in singog mita inta moitutui, bo bá mobarani totok in akuoi mopotaau in onu inta noibunipa kon Habar Mopia tua.


Ibog-Neabí tontaní in nopotaau kon i naton in tomayá-Nea inta noibunipa tatua; Sinantú-Neadon kon tomayá-Nea tatua in iḷapatan-Neadon pongin i Yesus Kristus.


Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.


Ki Adam inta muna pinomia nongkon ḷobud in butá, táe ki Adam inta induanea in nongkon sorogabí.


Kabijaksanaan inta poyaputku naa in nongkon i Allahbí. Kabijaksanaan tatua in diápa kinotaauan in bayongan intau kon dunia naa, táe munadon sinadia i Allah wakutu in diápa inaidan-Nea in dunia, sinbá mosanang in kita.


Táe akuoi in moḻibó: Degá diápa dinongog monia? Pasti dinongog bidon! Sin kon Buk Motusi ain pinais nanaa, “Singog monia ain kinodongogan kon bayongan in dunia naa, bo onu in pinotaau monia noiyaput kon popod in dunia.”


Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.


Sin ki Allah inta nobogoi kon i Petrus in ropot bá mobaḻí rasul kon sigad in intau mita Yahudi, Siabí doman tua inta nobogoi in ropot kon inakó sinbá mobaḻí rasul kon yua-yuak in intau deeman Yahudi.


Mosia in buíbí doman in mogoguyang naton. Awak i Kristus naa in nongkon bangusabí monia tua. Táe Siabí in moḷantu-ḷantud nongkon bayongan in yagi-yagi. Dinayo-dayowdon in ki Allah modapot in kopaḷutannea! Amin.


Bo ki Petrus in noguman, “Bain naa bo kinotaauanku kon naanta pinoyotongkaibí i Allah in bayongan intau.


Onu inta diá koaidan in hukum agama, sin kita intau ilo-ilow, yo tua ain inaidan i Allah. Ki Allah ain nonaḷow kon kawasa in dosa nongkon tabiat in intau takin aid nopotabá mangoi kon i Adí-Nea tontaní, inta namangoi ná kaadaan in intau baradosa, sin momopat kon dosa.


Naonda in noiyaputdon kon Antiokhia, nodait monia sinipun in bayongan jamaat, bo pinongongumanan kon onu inta aindon inaidan i Allah kon i monia. Bo inouman doman monia in totuḷung i Allah nobuká kon daḷan nodapot in intau mita inta deeman Yahudi nopirisaya kon i Yesus.


Totuubí kon Akuoi naa in nongkon i Amábí, bo ain namangoi in dunia. Táe tanaa taḷaan-Kudon in dunia sin mobuidon kon i Amá.”


Kinotaauan bidon i Yesus kon ki Amá in noposarakandon in kawasa-Nea komintan kon i-Nia. Kinotaauan-Neabí doman kon Sia in namangoi nongkon i Allah bo mobui doman kon i Allah.


Koyogotpa in Sia nomarakat, indoianmai yo noibingkatdon in Sia minayá in soroga, bo noitondídon in Sia kon i monia.


Dá malaekat tatua in noḻibó kon inakó nanaa, “Nongonu sin iko in moherangbí? Yo pogumankudon kon inimu onu inta noibuni kon bobay tatua bo onu inta noibuni kon mahaḷuk inta sinakoiannea tatua, mahaḷuk inta pitu in uḷu bo mopuḷú in tungoi.


Kon pogotnea in pinaisan in tangoi inta mangaḻenea “noibuni”. Tangoi tatua in “Babel inta moḷoben ki iná in bayongan bobay inta sundaḷ bo intau mita moromú kon dunia.”


Naabí in pangkoi totok onu in inouman naton: Oyúondon in Imang Moḷoben naton ná tatua inta iḻimitú nomarenta noyotakin i Allah inta totok Momulia kon soroga.


Ropot inta mogaid kon moraat tatua in momangkoidon umuni-uni mogaid, táe sinaha-tahangpa mako. Bain aka poyayúondon in intau inta monahang tatua,


tua komintan in mobaḻí kon singgai koangoian-Nea kon wakutu in poḷantudon in umat-Nea in Sia bo horomaton in bayongan intau inta mopirisaya kon i-Nia. Moiko nion in moyotakinbí doman in umat mita i Allah tatua sin moiko in nopirisaya kon habar inta pinoyaput nami kon i monimu.


Bayongan in intau kon Yerusalem in nonotaau kon bayongan tua, tuamai in butá tatua sinangoian monia inta kon bonu singog monia tontaní ‘Akeldama’, mangaḻenea ‘Butá in dugú’.)


Amá! Pomuliadon in Akuoi in tanaa mako kon tayowon-Mu, takin kamuliaan inta kon i-Nakó wakutu in noyotakin i Amá kon dodai in dunia naa diápa binaḻí.


Potabá-Kubí mangoi kon i monimu in Mototuḷung tobatú inta nongkon i Amá. Tuata in Roho inta moponiata kon kobobanar soaḷ ki Allah. Aka Sia in mamangoidon, yo Sia in mobogoibí in kosakusian soaḷ Akuoi.


Yo onu degá in mobaḻí aka moiko in mokoontongdon kon i Adí Intau mamonik bui kon tampat-Nea inta muna?


sia naonda bo bayag inta nonimbayag kon daḷan in intau mita ibanea, sinbá mosia in mamangoi kon ini-Mu; tuata in bayag inta mobaḻí dodoyonan poduían kon umat-Mu Israel.”


Bo mosia in sinumuot kon bonu in pinoḷobongan tatua. Kon bonu in pinoḷobongan dotá in koḷanan inontong monia tobatú tayowmobiag inta nogi jubah nobudó iḻimitú mako, bo noitaḻikokog in mosia.


Opat nopuḷú nosinggai Sia in kon tua, bo sinoba ibilis in Sia. Mahaḷuk mita kaḻig kotaki-takin-Nea doman kon tua, bo malaekat mita namangoi nobantung kon i-Nia.


Bo daḻíbí dinandúan noropot totok. Tobatú malaekat i Tuhan noponag nongkon soroga bo noḻitoi kon batu inta pinonaḷob tatua, bodongka iḻitúannea.


Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.


Ibilis nonaḷámai kon i-Nia, bo malaekat mita in namangoi nosumba kon i Yesus.


Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.


Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.


Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.


Tua in pakéonbí kon bayongan intau, sin diábí in yoposinea kon intau in Yahudi bo bangusa mita ibanea. Sin ki Allah inta tobatú tua in Tuhanbí in bayongan in intau. Sia in mobogoibí in barakat mobayong kon bayongan in intau inta mokituḷung kon i-Nia.


Tantú diábí natua! Sin notarang bidon kon ki Allah in tantúbí mobanar, umpakabí bayongan intau monguboḷ. Kon bonu in Buk motusi ain pinais nanaa, “Musti moiniata kon inimu kon totuu in onu inta siningogmu, bo iko in mountung kon dodai in iko hakimon.”


Táe masai naa, podudui in parenta i Allah inta mononoi, tomayá tatua ain pinoniata bo ain pinotaau kon bayongan intau, inta pinongin onu inta ain pinais in nabi mita, sinbá mosia komintandon mopirisaya bo motoindudui kon i Allah.


Sin ki Yesus Kristus, ki Adí i Allah inta ain pinohabarku bo pinohabar i Silas, bo i Timotius, kon i monimu, deemanbí intau inta topí-topí moguman “Oo” bo topí-topí doman moguman “Diá”. Sia tua in aka modandi yo totu-totuubí mobaḻí.


Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.


Táe intau inta umuran mogaid kon dosa, mosia tua in ki adí mita in Ibilis, sin Ibilis tua in nongkon pinomangkoianpabímai umuran nogaid kon dosa. Tuabí in mangaḻe inangoian i Adí Allah, Sia in morimumud kon oaidan mita in Ibilis.


Dá aka ki Daud tontaní monangoi kon i-Nia ki Tuangnea, yo naondabí kon Sia tua in tangoionbí buí i Daud?”


Swiv nou:

Piblisite


Piblisite