TIMOTIUS 1 3:10 - Alkitab Singog In Mongondow Masa In Tanaa

¹⁰ Munapa ujion in mosia tua. Aka kotaauandon kon motuḻidbí in gina monia, bain tua bo motaau in mosia mobantung kon jamaat.

TIMOTIUS 1 3:10 Referans Kwoze

TIMOTIUS 1 5:22

Dikabí gumampanganmai in monantú poḷat momarakat kon intau sin baḻíon mogogaid kon oaidan i Tuhan. Bo aka oyúon in intau nogaid kon inta diá mopia yo donaaibí dumayan in iko. Tantúbí ḷukadai in awakmu bá umuran modarit.

TIMOTIUS 1 3:13

Intau mita inta mopia in pobobantung monia kon jamaat, horomatonbí bo mobaranidon totok in mongonguman kon pirisaya monia kon i Kristus Yesus.

YOHANES 1 4:1

Utat mita inta kotabiku! Donaaibí mogampang kinopiri-pirisayanea kon intau mita inta mongaku kinawasa in Roho i Allah, táe ujipa muna in mosia tua sinbá kotaauandon monimu mongo roho kon i monia tua nongkon i Allah andeka deeman. Sin nobayongdon intau in maya-mayá mako bo mongaku nabi bokaka deemanbí totuu nabi.

TIMOTIUS 1 3:6

Intau inta mobaḻí itoi kon jamaat, in deemanbí intau inta bagu nopirisaya kon i Kristus, sin dikabo mobaḻí in sia mokaḷakuang, sahingga in kutukon ná Ibilis koḻipod.

TIMOTIUS 1 3:2

Tuamai intau inta mobaḻí itoi kon jamaat in mustibí intau inta motuḻid in gina, tongá tobatú in ki buḷoinea, mokokawasa kon ibog in gina, mobijaksana, mopia in oaid, moibog motuḷung kon bayongan in intau bo motaau motundú kon inta mopia kon intau ibanea;

KORINTUS 1 1:8

Bo ki Kristusbí doman tua inta tantú moginrigon kon gina monimu modapot kon singgai pangabisan; sahingga aka mamangoidon bui in Sia yo diá kouḻían-Nea in moiko kon taḷá tobatúmai.

KOLOSE 1:22

Táe tanaa, pinodoyon kon kinopatoian i Adí-Nea, sinompiadon bui i Allah in hubungan monimu takin-Nea. Natua in pinogogaid-Nea sinbá moiko in motaau diaan tumayow kon i Allah takin kaadaan mokudus, modarit bo diá in aid moraat.