TIMOTIUS 1 2:6 - Alkitab Singog In Mongondow Masa In Tanaa

⁶ Sia in tobatú intau inta ain noposarakan in awak-Nea sin pinotobut kon dosa mita in bayongan intau. Tua in moponiata kon wakutu inta ain sinantú i Allah, ibogon-Nea in bayongan intau in posaḷamaton.

TIMOTIUS 1 2:6 Referans Kwoze

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.

GALATIA 4:4

Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,

YOHANES 1 4:10

Naabí in tabi tua: Deemanbí kita in notabi kon i Allah, táe ki Allahbí in notabi kon i naton bo nopotabá kon i Adí-Nea sin motobut kon bayongan in dosa naton.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

KORINTUS 1 1:6

Bo tua komintan mangaḻenea in moponiatabí kon naanta habar mopia i Yesus Kristus tua in totu-totuu bidon noitonop kon bonu in ginamu.

TIMOTIUS 1 6:15

Ki Allahbí tontaní in nonantú kon singgai koangoian-Nea. Sin tongábí Sia in mongongawasa kon dunia naa. Moḷantud totok in Sia, Sia Datu in bayongan datu, bo Tuhan in bayongan Tuang.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

AYUB 33:24

Takin tabi in malaekat tatua in moguman, ‘Buḻiaidon in sia, diábí motaau in sia moponag kon dunia in intau minatoi. Naa in doit potobut, sinbá moiḷuatdon bui in sia.’

PETRUS 1 2:24

Ki Kristusbí tontaní in notanggung kon dosa mita naton. Tua mita in sinanggung-Nea kon tudu in Kayu pinoyotaḻempang, sinbá kita in moipilatdon kon bonu in kawasa in dosa, bo mobiagdon podudui in ibog i Allah. Kekeb-Neabí mita tatua inta mokopia kon i monimu.

TITUS 1:3

Sin kon wakutu inta ain sinantú-Nea, pinoniata-Neadon in dandi-Nea tatua kon bonu in koyow-Nea. Koyow-Nea tatua inta pinoki aid-Nea kon inakó, bo tuata in pinotaa-taauku mako podudui in parenta i Allah inta mopoposaḷamat naton.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

SURAT I PAULUS KON JAMAAT RUM 5:6

Wakutu in kita diádon kodaya, ki Kristus in pinokurubandon sin kopontingan naton pinotombubung kon wakutu inta ain sinantú i Allah; bokaka kita in intau mita inta noyayú nongkon i Allah.

YOHANES 6:51

Akuoibí in roti inta noponag nongkon soroga, roti inta mobogoi in kobiagan. Intau inta mokaan kon roti tanaa in umuranbí mobiag. Roti inta ogoi-Ku kon kobiagan intau kon dunia naa in awak-Kubí.”

MARKUS 10:45

Sin ki Adí Intau deemanbí namangoi sinbá bantungan, táe mamangoibí sin mobantung bo moposarakan in kobiagan-Nea sin mopobebas kon intau mobayong.”

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.

IBRANI 9:12

Ki Kristus in sinumuot kon Yuang Totok in Motusi kon ḷoḷaigan tatua tongábí komintan, diá bidon mopobui-buimai. Dodai intua Sia in diábí nodia kon dugú in bembé koḷakian andeka dugú adí in sapi sin posumba, táe dugú-Neabí tontaní in dinia-Nea. Bo dugú-Neabí tatua in nopobebas kon i naton dapot in kopaḷutannea.

TIMOTIUS 2 1:8

Manangka intua dikabí moondok in mopotaau bo moguman kon onu inta inaidan i Tuhan naton. Dika doman mooyá, sin akuoi in pinobonu kon ponjara popisíbí in mopirisaya kon i-Nia, táe pakébí in ropot inta inogoi i Allah motanggung moyotakin kon roriga sin mopoyaput in Habar Mopia tatua.

TESALONIKA 2 1:10

tua komintan in mobaḻí kon singgai koangoian-Nea kon wakutu in poḷantudon in umat-Nea in Sia bo horomaton in bayongan intau inta mopirisaya kon i-Nia. Moiko nion in moyotakinbí doman in umat mita i Allah tatua sin moiko in nopirisaya kon habar inta pinoyaput nami kon i monimu.

SURAT I PAULUS KON JAMAAT RUM 16:26

Táe masai naa, podudui in parenta i Allah inta mononoi, tomayá tatua ain pinoniata bo ain pinotaau kon bayongan intau, inta pinongin onu inta ain pinais in nabi mita, sinbá mosia komintandon mopirisaya bo motoindudui kon i Allah.

EPESUS 1:17

Akuoi in mopoigum kon i Allah, inta ki Tuhan naton ki Yesus Kristus, ki Amá inta momulia totok, sinbá ogoian in Roho-Nea in moiko. Roho tatua in mopobaḻí kon i monimu mobijaksana bo poontong-Nea in ki Allah kon i monimu, sahingga in kotaauandon monimu in Sia.

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

EPESUS 3:5

Koḻipod, onu inta noibuni tatua diá kon dodai in onda in pinotaau kon intau, táe tanaa, ain pinoniata in Roho i Allah kon rasul mita bo kon nabi-Nea mita.

MARKUS 1:15

Ki Yesus in noguman, “Ki Allah in ḷagidon momangkoi momarenta. Pogogaidon moiko in mogaid kon dosa bo popirisayadon kon Habar Mopia inta nongkon i Allah!”

GALATIA 1:4

Ki Kristus in dinumudui kon koibog i Allah, ki Amá naton, sahingga in Sia noposarakan in awak-Nea tontaní nobaḻí kuruban potobut kon taḷá mita naton, sinbá kita in posaḷamaton nongkon kaadaan masai naa inta diádon mopia naa.