TIMOTIUS 1 2:1 - Alkitab Singog In Mongondow Masa In Tanaa

¹ Naa in totok poigumonku, aka moiko mosambayang mopoigum, bo mopoyaput in sukur kon i Allah, yo dika koḻiongan in bayongan intau, sambayangaibí komintan in mosia;

TIMOTIUS 1 2:1 Referans Kwoze

TESALONIKA 2 1:3

Nobaḻí bidon kowajiban nami mopoyaput in sukur kon i Allah lantaran moiko. Oo patusbí intua aidan nami sin pirisaya monimu kon i Kristus in tantú kodugang-kodugang bo tabi monimu kon tumpaḷa intau in moḷoben domandon.

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.

EPESUS 5:20

Umurandon in moiko mopoyaput in sukur kon i Allah, ki Amá naton kon bayongan in yagi-yagi podoyon kon tangoi Yesus Kristus, ki Tuhan naton.

TIMOTIUS 2 2:24

Intau inta nogaid kon oaidan i Tuhan in diábí mopia aka moyogenggeng. Mustibí mokopoaḷus kon pososingog bo mokopoompá kon dodia kon tumpaḷa intau, bo kopira doman in motundú kon intau bo mosabar.

TIMOTIUS 1 2:4

Ki Allah inta moibog bá bayongan in intau in posaḷamaton bo monotaau kon onu inta moitutui.

PILIPI 1:3

Pomuḷoi in akuoi mokotorop kon i monimu akuoi mopoyaput in sukur kon i Allah.

IBRANI 6:11

Ibogon nami bá moiko komintan in umuran morigon in gina bo totu-totuu mopirisaya kon wakutu in mobiagpa, sahingga in moiko motarima kon onu inta i harap mako monimu tua.

TITUS 3:2

Tongginaai sinbá mosia in diá umuran moibog moponapud in uboḷ kon intau ibanea andeka moibo-ibog mobobayowan i inekadon, sin maníka umuran mokopopia kon dodia kon tumpaḷa intau bo mokopoaḷus doman kon pososingog takin bayongan in intau.

TITUS 2:11

Sin ki Allah ain nopoontong in totabi-Nea sin moposaḷamat kon bayongan in umat kon dunia naa.

TIMOTIUS 1 5:5

Intau boba-bobay inta nobiagdon tontaní sin diádon in haraponnea mako motuḷung monompia kon inia, bo dongkadon ki Allah in poharapannea mako, yo musti in sia doḷom bo singgai in mosambayang bo mopoigum in totabi kon i Allah.

KORINTUS 1 15:3

Onu inta ain pinotaauku kon i utatku mita, yo tuabí doman in sinarimaku. Inta totok in moponting, ná inta pinais kon bonu in Buk Motusi, akuoi ain nopotaau kon i monimu kon ki Kristus ain minatoi popisí in dosa mita naton;

OUMAN IN RASUL MITA 17:30

Oaid mita naton inta diá mopia inta koḻipod ain bidon iḻiong i Allah, asaḷ bo tanaa mako kita bo bayongan intau kon dunia, mogogaidon in mogaid kon dosa mita.

TESALONIKA 1 3:12

Bo igumon doman mako nami kon i Tuhan bá moiko in umuran mositabian bo oyúon doman in tabi monimu kon tumpaḷa intau, sahingga in tabi monimu in kodugang-kodugangdon ná tabi nami kon i monimu.

SURAT I PAULUS KON JAMAAT RUM 6:17

Táe sukurdon kon i Allah! Sin tungkuḷ intua moiko in nobaḻí ki ata in dosa, táe masai naa moiko in motoinduduidon totok kon totundú inta noitutui inta ain inogoi kon i monimu.

SURAT I PAULUS KON JAMAAT RUM 1:8

Muna-munamai pongin i Yesus Kristus, akuoi mopoyaput in sukur moantó kon i Allah sin moiko in totok bidon in mopirisaya kon i Kristus.

MAZMUR 72:19

Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

KORINTUS 2 8:6

Tuamai kami in umuran moguman kon i Titus – inta ain nomangkoi kon oaidan tanaa – sinbá ingguputannea in oaidan mopia tanaa kon sigad monimu doman.

EPESUS 3:13

Tuamai naa in igumonku: donaaibí moḻia-ḻiaw in gina in mokoontong kon rorigaku inta popisí in moiko, sin bayongan in rorigaku tua, untukbí kopiaan monimu.

EZRA 6:10

Aidai intua komintan sinbá mosia in motaau moposumba in kuruban inta mokosanang kon i Allah inta nongawasa kon soroga, bo bá mosia in mopoigum in barakat kon inakó bo kon i adíku mita ḷoḷaki.

YEREMIA 29:7

Pogaidon sinbá motompia in kotá mita inta pinoḷumbúan-Ku kon i monimu. Posambayangdon kon i-Nakó sin kopontingan in kotá mita tatua, sin aka kotá mita tatua mobiag mooyúon, yo moiko in mobiagbí doman mooyúon.

EPESUS 6:18

Aidai intua komintan takin mosambayang mopoigum kon totuḷung i Allah. Posambayangdon pomuḷoi mako podudui ibog in Roho i Allah kon i monimu. Umuran pobasadia in moiko bo dika umundok. Tantú sambayangai in bayongan umat i Allah.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.