TESALONIKA 1 4:6 - Alkitab Singog In Mongondow Masa In Tanaa

⁶ Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.

TESALONIKA 1 4:6 Referans Kwoze

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”

IḶUAIAN 20:17

Dika moibog in sinitogi in intau ibanea: baḷoinea, ki buḷoinea bobay, atanea mita, bobiagonnea, keledainea, ande onuka inta nobaḻí sinitoginea.”

SURAT I PAULUS KON JAMAAT RUM 1:18

Nongkon soroga ki Allah in nopoontong in torú-Nea kon bayongan dosa bo oaid inta moraat, sin aid inta moraat tua in moḷamboi kon intau monotaau kon totundú mobanar soaḷ ki Allah.

AMSAL 28:24

Ki ine in monakow nongkon guyanganea bo kainia intua in deemanbí dosa, yo notongkaibí in mononakow mita ibanea.

IḶUAIAN 20:15

Dika monakow.

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.

YAKOBUS 2:6

Táe moiko ain noningkuḻe kon intau mita inta nobiag nobogá, bokaka intaubí mita inta nooyúon in mondorot bo mogugut kon i monimu pobayá in pongadilan!

GALATIA 5:21

diá mosanang in gina aka mokoontong kon intau ibanea noiḻiu kon batangan, umuran monginum kon inta mokoḷoḷangu, moibo-ibog in rame bo noyagi-yagipa doman in koibog monia. Kon bayongan oaid natua, buikupa doman tongginaan in moiko, ná koḻipod kon tantú mokopoingat, sin intau mita inta nogaid kon soaḷ mita natua diábí mobaḻí umat i Allah.

SURAT I PAULUS KON JAMAAT RUM 13:4

Sin pomarenta tua in mogogaidbí kon oaidan i Allah inta mogaid kon kopiaanmu. Táe aka iko in mogaid kon inta moraat, dá iko in mustibí moondok kon pomarenta, sin deemanbí tongá ibo-ibog sia in inogoian in kawasa mohukum kon intau. Sia tua in mogogaidbí kon oaidan i Allah inta nopoḷabú in hukuman i Allah kon intau mita inta mogaid kon moraat.

LUKAS 12:5

Naa in poguman-Kudon kon i monimu mongo ki ine in musti koondok monimu. Kotoguondokbí kon i Allah! Sin aka Sia yo mopaḷut mako moḻimod, yo oyúon doman in kawasa-Nea mopogarab kon bonu in naraka! Popirisayadon, Siabí tua in musti koondok monimu.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

YEHEZKIEL 22:13

Táe tanaa in bongkugon-Kudon in mogogagow bo moḷoḻimodmu.

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.

EPESUS 5:6

Donaai in moiko koakaḷan in singog mita inta diá in baragunanea. Sin soaḷbí mita natua inta mokopomuká kon sakí in gina i Allah kon intau mita inta diá motoindudui kon i-Nia.

EPESUS 4:17

Tuamai in podoyon kon tangoi i Tuhan, naa in singogku bo ponoropku: donaai in mobiag naonda bo intau inta diá nonotaau kon i Allah bo tongá morai kon inta diá in mangaḻenea.

MARKUS 10:19

Tantú kinotaauanmu bidon in parenta i Allah tanaa, ‘Dika moḻimod, dika monuaḻing ande mokituaḻing, dika monakow, dika moposakusi in inta diá totuu bo dika monguboḷ, horomatbí in ki amá bo ki inámu.’ ”

ZEPANYA 3:5

Táe ki Tuhan in oyúonpabí in kon kotá tatua; Sia in umuranbí mopobayá in onu inta mobanar bo diábí kon dodai in onda in inta moitaḷá. Pomuḷoi in doḷo-doḷom notantúbí kon Sia in mobogoi in inta moadil kon umat-Nea. Táe, intau inta diá nonotaau in inta moadil kon kotá tatua in umuranbí mogaid kon inta moraat bo diábí in oya-oyá mako.

ZEPANYA 3:1

Kinutukdon in Yerusalem, kotá moromú inta moibog momarontak kon i Tuhan bo inta nondorot kon intaunea tontaní!

YEREMIA 9:4

Umpaka kon yobayat, yo kon batúan in intau musti mokopoingat bo utat inoyod yo diá doman motaau pirisayaan. Sin, ná ki Yakub yo natua doman in mosia, kon batúannea monguboḷ kon i utatnea. Batúan in intau maya-mayá mako sin moponapud in diá totuu bo uboḷ.

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

YESAYA 5:7

Sin gobá in anggur i Tuhan Inta Totok in Mokawasa in umat in Israel, bo intau mita in Yohuda in pangkoi in anggur inta pinomuḷa-Nea. Kon i monia iharap-Nea mako in aid inta moadil, táe tongábí aid moraat. Kon bonu in kamang-Nea mosia in moposindogbí in inta mobanar, táe tongábí oyúon in karak moigum kon koadilan.

MOHOHUTUBA 5:8

Modapot in kobiagan i datu noitogotbí kon bungai in boyó.

AMSAL 20:23

Simbangan bo batu pononimbangan in intau motombogá in kinodoíbí i Tuhan.

AMSAL 20:14

Mototaḷui in tantúbí mogamui kon momahaḷ in boḻinea. Táe naonda in motaḷui mako, mopiabí in ginanea kon boḻi inta nouḻínea.

AMSAL 11:1

Ki Tuhan in doíbí kon intau inta mopomaké in simbangan inta motombogá táe mopia in gina-Nea kon intau inta mopomaké in pononimbangan inta moitutui.

MAZMUR 140:12

Biódon mako in intau inta moḻingá koantugan in bodito, dikadon pomayá mako in mopoponapud in uboḷ mogutun kon butá.

MAZMUR 94:1

O Allah, Ikobí in ki Allah inta motuḻí, poontongdon in tontuḻí-Mu, o Tuhan.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

ULANGAN 24:7

Intau inta nodakop kon intau tobangusanea bo binaḻínea ata ande pinotaḷuinea, yo mustibí hukumon matoi. Aid monimu natua in monginggamábí kon inta moraat tatua.

IMAMAT 25:17

Dika monguboḷ kon tumpaḷa intau Israel, táe kotoguondokbí in moiko kon i Tuhan, Allahmu.

IMAMAT 25:14

Dá aka moiko mopotaḷui in butá kon tumpaḷa intau Israel, ande motaḷui kon butá nongkon inia, yo dikabí mosipotaḷuian takin oaid diá motuḻid.

IMAMAT 19:13

Dika momakisa mogamá ande mogagow kon kapunyaan in tumpaḷa intau. Aka tondan in pinogaidan intau kon inimu dika tahangonmu mako, umpaka tongáka tonggobii.

IMAMAT 19:11

Dika monakow, monombodok ande monguboḷ.

EPESUS 4:28

Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

MIKHA 2:2

Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.

AMSAL 16:11

Ibogon i Tuhan intau mokopotuḻid kon gina aka modagang, ná doman tua in mopomaké in ukuran bo simbangan.

LUKAS 16:28

Sin taya ḻimapa in ki utatku kon tua. Potabápa in ki Lazarus mayá mobogoi in tompoingat kon i monia sinbá mosia in diá mobaḻí ná akuoi moiukat kon tampat inta mororiga nanaa.’

KORINTUS 2 7:11

Tungkuḷaika tarukira monimu onu in bungai in ajar in gina inta pinodudui kon ibog i Allah kon i monimu! Naa in bungainea; moiko in totu-totuubí moramuji moginsilang kon onu inta diápa notarang! Bo moyaatbí in gina monimu kon onu inta diá mopia, oyúon in porasaan moondok, mokotanobbí, tantú moropot in gina, bo oyúon in ibog mohukum kon inta kotaḷá! Kon bayongan soaḷ mita tanaa in moponiata bidon kon moiko in diá bidon kotaḷá.

TESALONIKA 1 2:11

Kinotaauanbí monimu in kinototabi nami kon i monimu. Naonda bo guyanga bo adí.

IBRANI 2:6

Sedang bo kon Buk Motusi oyúon in pinais nanaa, “O Tuhan, onubí intau tua, sahingga in umuran-Mu toropon in sia? Intau in tongábí doman komangoi intau biasa, táe umuran-Mu tarukiraan mako in sia!