TESALONIKA 1 3:4 - Alkitab Singog In Mongondow Masa In Tanaa

⁴ Sin kon dodai in kami koyota-yotakinpa monimu, muna bidon pinoguman nami, kon kita in pastibí mokorasa kon roriga. Bo totuu kon nobaḻídon intua komintan; kinotaauan bidon monimu intua.

TESALONIKA 1 3:4 Referans Kwoze

TESALONIKA 1 2:14

Bayongan ginaḷum jamaat i Allah, onu inta kinorasaan monimu, kinorasaanbí doman in jamaat mita i Allah inta kon Yudea inta nopirisaya domandon kon i Kristus Yesus. Moiko in pinogutú doman in yobayat mita monimu tongoḻipúan, naonda bo inta kinorasaan in jamaat mita i Allah kon Yudea. Mosia in pinogutú doman in intau mita Yahudi.

TESALONIKA 1 2:2

Bo kinotaauan bidon monimu kon wakutu in kami diápa namangoi kon i monimu kon Tesalonika, kami in muna bidon pinogutú bo siningkuḻe kon kotá in Pilipi. Táe umpaka nobayong in intau moḷawang kon i nami, táe umuranbí inogoian i Allah naton in kabaranian in kami mopotaau kon i monimu in Habar Mopia inta nongkon i Allah.

OUMAN IN RASUL MITA 17:13

Dá naonda in dinongog in bayongan intau Yahudi inta nogutun kon Tesalonika kon ki Paulus in nopoyaput domandon in Habar Mopia kon Berea, intau mita in Yahudi tatua namangoi domandon intua, nohasut bo nopoyaying in gina in bayongan intau kon tua.

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

OUMAN IN RASUL MITA 17:1

Ki Paulus bo ki Silas nopobayá in Tesalonika nogingguput kon bobayáan monia. Mosia in nongin Ampipolis bo Apolonia. Kon tua oyúon in baḷoi pososambayangan intau Yahudi.

MATIUS 24:25

Tarukira inta pinoguman-Ku muna kon i monimu.

TESALONIKA 2 2:5

Toropbí kon nodaitku bidon pinoguman intua komintan wakutu in akuoi koyota-yotakinpa monimu.

TESALONIKA 2 3:10

Sin kon wakutu in kami kon yua-yuakpa monimu naa in atorang inta pinoguman nami kon i monimu, “Aka intau doí mogaid yo donaai mongaan in sia.”