TESALONIKA 1 2:18 - Alkitab Singog In Mongondow Masa In Tanaa

¹⁸ Kami in nonomayádon mamangoi mokipodungkuḷ kon i monimu; kotongonumaidon degá nonungkuḷ táe umuran ḷamboian Ibilis in tomayá nami tatua.

TESALONIKA 1 2:18 Referans Kwoze

SURAT I PAULUS KON JAMAAT RUM 15:22

Tuamai in mokakitdon oyúon in moiḷamboi kon tomayáku mamangoi mokipodungkuḷ kon i monimu.

SURAT I PAULUS KON JAMAAT RUM 1:13

Utatku mita! Ibogonku in bá kotaauan doman monimu kon mokakitdon in akuoi moibog mamangoi mokipodungkuḷ kon i monimu, tongá tantú oyúon in ḷabot. Sin ibogonku in bá oyúon doman bungai in oaidanku kon sigad monimu ná inta ain nobaḻí kon yua-yuak in intau mita inta deeman Yahudi kon tampat mita ibanea.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.

AYUB 33:14

Ki Allah in mosingog pinongin daḷan noyagi-yagimai, tongá diá tobatúmai in intau nonondudut kon singog-Nea.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

KOLOSE 4:18

Salam nongkon inakó, ki Paulus. Akuoibí tontaní in nomais kon salam tanaa. Dika koḻiongan kon akuoi in kon bonupa in ponjara! Igumon mako umuran barakatan i Tuhan in moiko. Horomat nami, Ki Paulus

PILEMON 1:9

Tongá lantaran akuoi motabi kon i Utat, dá tongábí akuoi mopoigum kon inimu. Akuoi naa in guyanga bo apa doman tanaa akuoi in pinonjara popisí in nogaid kon oaidan i Kristus Yesus.

PILIPI 4:16

Sin wakutu in akuoi kon Tesalonika bo moparaḷu kon totuḷung, yo ain noiḻiu kon komintan moiko in nokidia in totuḷung monimu kon inakó.

TESALONIKA 2 3:17

Akuoi, ki Paulus mopoyaput in salam kon i monimu. Akuoibí tontaní in nomais kon surat tanaa. Naa in tanda pinakéku kon bonu in bayongan suratku.

KORINTUS 1 16:21

Akuoi tontaní in nomais doman kon salamku tanaa: Salamku, ki Paulus.