TESALONIKA 1 1:1 - Alkitab Singog In Mongondow Masa In Tanaa

¹ Utatku mita jamaat kon Tesalonika, inta ain nobaḻí umat i Allah ki Amá naton bo i Tuhan Yesus Kristus: Akuoi ki Paulus, ki Silwanus bo ki Timotius in umuran mopoigum kon i Allah sinbá tantú-Nea ogoian in barakat bo kobiagan motompia in moiko.

TESALONIKA 1 1:1 Referans Kwoze

SURAT I PAULUS KON JAMAAT RUM 1:7

Tuamai in akuoi in nomais kon surat kon i monimu. Poigumon mako kon i Allah inta ki Amá naton bo ki Tuhan Yesus Kristus mobogoi in barakat bo kobiagan motompia kon i monimu.

TESALONIKA 2 1:1

Utatku mita jamaat inta kon Tesalonika, inta ain nobaḻí umat i Allah ki Amá naton bo umat i Tuhan Yesus Kristus! Kami toḷu, ki Paulus, ki Silas bo ki Timotius

OUMAN IN RASUL MITA 20:4

Sia in sinakinan i Sopater, ki adí i Pirus intau in Berea, bo i Aristarkhus, bo i Sekundus intau in Tesalonika, bo i Gayus intau in Derbe. Ki Timotius, ki Tikhikus bo ki Tropimus doman takin intau mita inta nongkon Asia.

OUMAN IN RASUL MITA 18:5

Naonda in noiangoidon nongkon Makedonia in ki Silas bo ki Timotius, diádon mogoga-gogai in ki Paulus in mopoyaput in Habar Mopia inta nongkon i Allah kon bayongan intau in Yahudi. Sia nopoyaput in habar kon ki Yesusbí tuata in Datu Mopoposaḷamat inta pinodandi i Allah.

YUDAS 1:1

Utatku mita inta ain inoiní bo inta totok in kinotabi i Allah Amá naton, bo inta iḷukadan kon bonu in tangoi i Yesus Kristus. Saḷaku intau inta nogaid kon oaidan i Yesus Kristus, akuoi – ki Yudas – ki utat i Yakobus,

PETRUS 1 5:12

Suratku inta nopoḷok tanaa in pinoki paisku kon i Silas, intau inta inanggapkudon ginaḷum bo motaau pirisayaan. Surat tanaa in pinotuju kon i monimu. Akuoi in mononggina bo mopoyakin kon i monimu, kon onu inta pinaisku naa in habarbí totuu soaḷ totabi i Allah. Manangka intua akuoi in moguman sinbá moiko in umuran mokoporoton in kumadai kon totabi i Allah kon i monimu.

KORINTUS 2 1:19

Sin ki Yesus Kristus, ki Adí i Allah inta ain pinohabarku bo pinohabar i Silas, bo i Timotius, kon i monimu, deemanbí intau inta topí-topí moguman “Oo” bo topí-topí doman moguman “Diá”. Sia tua in aka modandi yo totu-totuubí mobaḻí.

OUMAN IN RASUL MITA 19:22

Dá muna in sia nopotabá kon simpaḷnea doyowa, ki Timotius bo ki Erastus umuna kon inia mayá in Makedonia, sin sia in mogutunpa tongonumai nosinggai kon Asia.

OUMAN IN RASUL MITA 17:11

Intau mita in Yahudi kon Berea mopia-pia nongkon intau mita in Yahudi kon Tesalonika. Takin sanang gina mosia in mokidongog kon habar soaḷ ki Yesus, bo pomuḷoi in singgai mosia inumuran mobaca kon Buk Motusi sin monarukira mongo totuu in sinundú i Paulus kon i monia tua.

IBRANI 13:23

Musti kotaauanmu, kon ki Timotius ki utat naton in pinobebasdon nongkon ponjara. Aka moiangoidon in sia kon inakó, dá diaankubí in sia aka mamangoidon in akuoi mokipodungkuḷ kon i monimu.

KOLOSE 1:1

Utatku mita umat i Allah kon Kolose inta umuran mosatia in motobatú i Kristus! Saḷaku rasul i Yesus Kristus, – inta inoiní i Allah tontaní – akuoi, ki Paulus bo ki Timotius inta ki utat naton, mopoigum mako doa sinbá ki Allah, ki Amá naton in tantú mobogoi in barakat bo kobiagan motompia kon i monimu.

PILIPI 1:1

Utatku mita umat i Allah inta nogutun kon Pilipi, inta notobatúdon i Kristus Yesus bo inta ain nobaḻí itoi bo diaken kon jamaat! Akuoi, ki Paulus bo ki Timotius inta mogogaid kon oaidan i Kristus Yesus,

EPESUS 1:2

Akuoi ki Paulus, inta nobaḻí rasul i Kristus Yesus sin pinodoyon kon ibog i Allah tontaní, akuoi in umuran mopoigum mako in doa sinbá ki Allah, ki Amá naton bo ki Tuhan Yesus Kristus mobogoi in barakat bo kobiagan motompia kon i monimu.

GALATIA 1:22

Táe wakutu intua jamaat mita inta kon Yudea, diápabí nonotaau kon inakó, sin diápa inontong monia.

KORINTUS 2 1:1

Utatku mita jamaat i Allah inta kon Korintus bo bayongan intau inta ain piniḻí i Allah kon Akhaya. Akuoi, ki Paulus, rasul i Kristus Yesus, inta ain binaḻí i Allah rasul-Nea takin ki utat naton ki Timotius,

OUMAN IN RASUL MITA 16:29

Itoi in ponjara tatua noigum kon togá bo binayánea sinuaian bonu in ponjara tatua. Urot mako in sia bo noitungkud kon tayowonmai i Paulus bo i Silas.

OUMAN IN RASUL MITA 16:25

Táe naonda in noonggotdon kon doḷom ki Paulus bo ki Silas nosambayang bo nodondong nodayow kon i Allah. Dá bayongan intau kon ponjara tua nodait nokodongog.

OUMAN IN RASUL MITA 16:19

Naonda in bobay mita inta pinobantungan in bobay mononoḻindap tatua nokotaaudon kon diádon in kasampatan monia mokouḻí kon doit mobayong, dá dinomok monia in ki Paulus bo ki Silas bo dinia monia pinobayá in pasar pinotayow kon mongongawasa kon tua.

OUMAN IN RASUL MITA 15:40

Yo ki Paulus in nodia kon i Silas takinnea. Bo nobuatdon doman in mosia naonda in sinambayangan mako in bayongan jamaat kon Antiokhia tua.

OUMAN IN RASUL MITA 15:27

Dá manangka intua pinopoangoidon nami in ki Yudas bo ki Silas kon i monimu mopoyaput in onu inta pinais kon bonu in surat tanaa.

YOHANES 1 1:3

Onu inta ain inontong bo dinongog nami, tuabí doman in potaau nami kon i monimu, sinbá moiko in motobatú domandon nami bo motobatú domandon i Amá bo i Kristus ki Adí-Nea.

OUMAN IN RASUL MITA 15:22

Rasul bo itoi mita in jamaat takin bayongan in jamaat kon tua noyopakatdon kon momiḻí kon tongonumai in intau kon sigad monia inta potabá mayá in Antiokhia moyotakin i Paulus bo i Barnabas. Dá piniḻí monia in ki Yudas inta dinonoi ki Barsabas bo ki Silas. Taya dua naa in intau inta totok in kino insim in bayongan intau inta mopirisaya kon Yerusalem.