TAWARIKH 2 6:25 - Alkitab Singog In Mongondow Masa In Tanaa

²⁵ igumon mako indongogan-Mupa kaasí kon soroga. Igumon mako ampungan-Mu in dosa in umat-Mu tanaa, bo modia bui kon i monia mayá in butá inta ain inogoi-Mu kon i monia bo kon mogoguyang monia.

TAWARIKH 2 6:25 Referans Kwoze

YOSUA 21:43

Natuata in pinobobogoi i Tuhan kon umat in Israel kon bayongan in butá inta ain pinodandi-Nea takin nongibot kon mogoguyang monia. Naonda in iḻimitú kon butá tatua, umat in Israel nogutundon notantú kon tua.

IḶUAIAN 6:8

Bayongan koyow i Tuhan tatua pinotaau i Musa kon bangusa Israel, táe mosia in doí mopandungmai kon i Musa, sin pinononggataan inta totok in moraat tatua ain nokoinggamádon kon kamang monia.

KINOBAḺIAN 13:15

Akuoi in mobogoi kon inimu bo kon buímu in bayongan butá inta inontongmu tua sinbá mobaḻí kapunyaanmu mononoi.

TAWARIKH 2 6:24

Aka umat-Mu Israel taḷowon in musungnea mita popisí in binaradosa in mosia bo nomanasaḷ bo mohoromat bui kon ini-Mu saḷaku Tuhan, bo onda intua bui mamangoi kon baḷoi-Mu tanaa bo mosambayang mopoigum in ampung kon ini-Mu,

TAWARIKH 2 6:26

Aka umat-Mu baradosaan kon ini-Mu bo hukumon-Mu in mosia pongin diá mopoangoi in uyan, bo mogogaidon in mosia in mogaid kon dosa monia bo mohoromat kon ini-Mu saḷaku Tuhan, onda intua tumayow kon baḷoi-Mu tanaa bo mosambayang kon ini-Mu,