TAWARIKH 2 4:1 - Alkitab Singog In Mongondow Masa In Tanaa

¹ Ki Datu Salomo nokiaid in mezbah tobatú nongkon bitú inta kobanat bo kooḷadnea in tumososiow nometer, bo koḷantudnea in 450 nosenti.

TAWARIKH 2 4:1 Referans Kwoze

DATU MITA IMITÁNEA 8:64

Singgai tatua doman ki Salomo nonoguḷapat kon dotá in yuak in palas inta kon tayowon in Baḷoi Tuhan tua. Onda intua kon palas tatua sia in noposumba in kuruban payongon, kuruban gandum bo ḷongó in mahaḷuk ogoi nobaḻí kuruban dodamean. Bayongan tua in pinosumbanea kon tua sin mezbah bitú diádon tugat pobonuan kon bayongan in sosumba tatua.

TAWARIKH 2 1:5

Mezbah bitú inta pinomia i Bezaleel ki adí i Uri, ki ompu i Hur, in kon Gibeon doman kon tayowon in Ḷoḷaigan i Tuhan. Ki Datu Salomo bo bayongan in rayat in noibada kon i Tuhan kon tua.

DATU MITA IMITÁNEA 9:25

Kotoḷu in totaong in ki Salomo moposumba in kuruban payongon bo kuruban dodamean kon tudu in mezbah inta ain pinosindognea kon i Tuhan. Motubá doman in sia kon dupa kon i Tuhan. Natuata in ki Salomo noginḷapat kon Baḷoi Tuhan.

DATU MITA IMITÁNEA 8:22

Nopaḷut mako kon tua, kon tayowon in rayat inta kon tua, ki Salomo sinimindog sinumayow kon mezbah bo notonggó kon ḻimanea doyowa nosimpaḷ

TAWARIKH 2 8:12

Ki Salomo in noposumba in kuruban payongon kon i Tuhan kon tudu in mezbah inta pinosindognea kon tayowon in Baḷoi Tuhan.

TAWARIKH 2 15:8

Naonda in kinodongogan i Asa in tosingogon i Azarya ki adí i Oded tua, nomukádon in baraninea. Noḷumbúdon in sia kon bayongan in berhala kon butá in Yohuda bo Benyamin, bo kon kotá mita inta ain sinaḷownea kon Buḷud in Epraim, bo sinompianeadon in Mezbah i Tuhan inta kon palas in Baḷoi Tuhan.

TAWARIKH 2 7:7

Bo yuak in bosínea inta kon tayowon in baḷoi pooibadaan tatua inogoi i Salomo kon i Tuhan. Onda intua noposumba in sia kon tua in kuruban payongon, kuruban gandum bo ḷongó in biag sin baḻíon kuruban dodamean. Tua komintan in pinosumbanea kon tua sin mezbah bitú inta ain pinomianea in diá tugatan in bayongan sosumba tatua.

TAWARIKH 2 29:18

Bo intau mita in Lewi tatua nopotaaudon kon i Datu Hizkia, “Nopaḷutdon in kami nopotusi in bayongan Baḷoi Tuhan, noitakin doman in mezbah in kuruban payongon, meja inta pototuduan kon roti inta oḷudon, bo bayongan in pakakatnea.