TAWARIKH 2 34:13 - Alkitab Singog In Mongondow Masa In Tanaa

¹³ inogoian in oaidan moḷukad kon pogakutan kon pakakat mita, mobaḻí itoi kon intau mita mogogaid kon noyagi-yagimai in oaidan, monompia kon administrasi, bo moḷukad kon ngara.

TAWARIKH 2 34:13 Referans Kwoze

NEHEMIA 4:10

Táe intau in Yohuda nomangkoidon nopodondong in dondong amui tanaa: “Ropot naton in nodait sin mogakut kon datog, bokaka apat in nobayongpa totok. Nádon diá mokotongod in kita mogaid nanaa moposindog in dinding in kotá tanaa.”

TAWARIKH 2 2:18

Pitu nopuḷú noribu nongkon i monia in pinoki akutannea in imok pobaḷoi, 80.000 intau in mongurig kon batu kon buḷud, bo 3.600 in moindoi bo kitogi totaau kon oaidan tatua.

MATIUS 26:3

Kon dodai intua imang mita itoi bo guhanga mita in ḻipú intau Yahudi noyosipun kon palas i Kayapas, imang moḷoben.

YEREMIA 8:8

Mokobaḻíbí totok in moiko in moguman kon moiko in mobijaksana, bo monotaau in hukum-Ku mita! Indoiaika naonda in hukum-Ku mita tatua binaḷuian in intau mita inta nonotaau totok in agama táe motombogá!

TAWARIKH 2 19:11

Ki Imang Moḷoben ki Amarya inogoianku in kawasa moḷantud kon bayongan in pelekara soaḷ hukum mita in agama. Ki Zebaja ki adí i Ismael, inta ki gubernur in Yohuda, inogoianku in kawasa moḷantud kon bayongan in pelekara ibanea. Intau mita in Lewi in kitogi totaau moḷukad sinbá kaputusan mita in pongadilan in aidan. Duduiai in topotundú mita tanaa bo aidai intua totu-totuu. Igumon mako ki Tuhan kotaki-takin in intau inta moadil!”

TAWARIKH 2 8:14

Podudui kon atorang mita i Daud ki amánea, ki Salomo in nonantú kon oaidan pomuḷoi in singgai in imang mita bo intau mita in Lewi inta musti mopodondong in dondong dodayow kon i Tuhan bo mobantung kon imang mita mopobayá in upacara mita ibada. Bo moḷoḷukad mita doman in Baḷoi Tuhan in sinilainea kinolompok sin moḷukad kon batúan in bonawang, pinodudui in topotundú i Daud mogogundoi i Allah.

TAWARIKH 2 8:10

Doyowa nogatut bo ḻima nopuḷú in intau inogoian in oaidan moindoi kon oaidan in intau mita inta nobaḻí ata kon bayongan in oaidan mogaid kon baḷoi.

TAWARIKH 2 2:10

Bo mobaḻí tongkaaḷ kon intau mita i Tuang tua in pokidiakudon mangoi kon i Tuang in gandum inta doyowa norupa, kon batúannea in tumongo 2.000 noton, anggur in 400.000 noliter bo ḷana in zaitun in 400.000 noliter.”

TAWARIKH 1 16:42

Ki Heman bo ki Yedutum in mogirup doman kon torompet, simbal bo pakakat in musik ibanea inta pinogogitog sin monakin kon dondong mita dodayow. Intau mita in inanakan i Yedutun in pinoki ḷukadan in bonawang mita.

TAWARIKH 1 16:38

bo binantungan i Obed-Edom inta ki adí i Yedutum, bo in intau 68 ibanea inta toinanakannea. Ki Obed-Edom bo ki Hosa in moḷoḷukad kon bonawang mita.

TAWARIKH 1 9:17

Moḷoḷukad mita kon Baḷoi Tuhan inta nogutun kon Yerusalem inta noyotakin in motoḷuadí mita monia in ki Akub, ki Talmon, ki Ahiman, bo ki Salum tongguḷu in moḷoḷukad.

DATU MITA 2 7:10

Tuamai in nobuidon in mosia kon Samaria bo nomaḷú kon moḷoḷukad kon bonawang in kotá, “Minayádon in kami kon pinononḷoḷaigan in intau in Siria, bo noniata magí diá bidon in intau in kon tua. Kabaḷo bo keledai monia kinobayáanmai nami in noitogotpabí mako kon pototogotannea, bo ḷoḷaigan mita in tongádon sinaḷáan mako natua.”