TAWARIKH 2 33:16 - Alkitab Singog In Mongondow Masa In Tanaa

¹⁶ Onda intua sinompianea in mezbah tampat pooibadaan kon i Tuhan bo noposumba kon tua in kuruban dodamean bo kuruban sukur. Bayongan intau in Yohuda pinoki ibadaannea kon i Tuhan Allah in Israel.

TAWARIKH 2 33:16 Referans Kwoze

LUKAS 22:32

Táe iko Simon, aindon sinambayangan-Ku, sinbá motantú in pirisayamu. Bo aka iko mobuidon mangoi kon i-Nakó, yo mustimubí doman iropotanmu in gina in bayongan ginaḷummu.”

TAWARIKH 2 33:9

Ki Manasye nokopopisí kon rayat in Yohuda nogaid kon dosa mita inta moraa-raat nongkon dosa inta inaidan in bangusa mita inta pinoguntun i Tuhan nongkon Kanaan kon tungkuḷ in umat i Tuhan sinumuot kon butá tatua.

TAWARIKH 2 30:12

Kon Yohuda ki Allah in nogaid doman bo noponobatú kon gina in rayat sinbá totu-totuu motoindudui kon ibog i Allah pongin dumudui kon parenta i datu bo in pogawainea mita.

TAWARIKH 2 29:18

Bo intau mita in Lewi tatua nopotaaudon kon i Datu Hizkia, “Nopaḷutdon in kami nopotusi in bayongan Baḷoi Tuhan, noitakin doman in mezbah in kuruban payongon, meja inta pototuduan kon roti inta oḷudon, bo bayongan in pakakatnea.

TAWARIKH 2 14:4

Intau mita in Yohuda kon kobiagan monia dinumuduibí kon onu inta kinoibog i Tuhan, Allah in moguyang monia, bo dinumudui kon totundú mita bo parenta-Nea mita.

DATU MITA IMITÁNEA 18:30

Bo ki Elia in nogumandon kon bayongan in rayat tatua, “Koḻigai pokodiug!” Mosia komintan noyosipun kon ḻibuneamai, onda intua nomangkoidon in sia nonompiamai kon mezbah i Tuhan inta ain norumbun.

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

TAWARIKH 2 29:31

Nopaḷut mako kon tua ki Hizkia in noguman, “Popisí in moiko tanaa aindon sinondí kon i Tuhan, dá nobaḻí sosumba sukurmu, moiko in mustibí modia kon kuruban kon Baḷoi Tuhan.” Bo bayongan in intau inta kon tua in nodia kon sosumba mita tatua, nodapot in oyúon doman inta takinbí ibog monia tontaní nodia kon biag mita sin posumba mobaḻí kuruban payongon.

TAWARIKH 2 14:3

Sinoko ḷumbúnea in mezbah mita in bangusa ibanea bo tampat mita pososumbaan kon berhala. Tugu mita in dewa irimumudnea, bo oigi mita in patong i Dewi Asyera inumpagnea.