TAWARIKH 2 33:1 - Alkitab Singog In Mongondow Masa In Tanaa

¹ Ki Manasye in umur mopuḷú bo doyowa notaong kon dodai in sia nobaḻí datu in Yohuda bo nomarenta in sia kon Yerusalem ḻima nopuḷú bo ḻima notaong in koonggotnea.

TAWARIKH 2 33:1 Referans Kwoze

YESAYA 3:12

Umat-Ku in rorigaanbí in intau mopopoḷuan in doit bo daiton gamáan in mopoporente. Umat-Ku in poḷaḻeon in itoinea mita modapot in diádon kotaauannea in daḷan inta musti bayáannea.”

YESAYA 3:4

Ki Tuhan in moduíbí kon tayow mobiag mita mobaḻí itoi in rayat, bo mosia in momarenta podudui in ibog monia.

MOHOHUTUBA 10:16

Moboditodon in butá inta datunea moguodpa totok, bo intaunea mita moḷoben momia kon rame kino ouput in doḷom.

TAWARIKH 2 32:33

Ki Hizkia in minatoi, bo iḷobong kon potakodan kon butá inta poḷoḷobongan kon datu mita. Bayongan in rayat in Yohuda bo Yerusalem nohoromat totok kon inia kon tungkuḷ in sia minatoi. Ki Manasye ki adínea ḷoḷaki in nobaḻí datu nomaḷui kon inia.

YEREMIA 15:4

Baḻíon-Ku in bayongan bangusa kon dunia mokoningkim in mokoontong kon i monia. Tua komintan aidan-Ku popisí in aid in Manasye ki adí ḷoḷaki i Hizkia kon Yerusalem kon tungkuḷ in sia nobaḻí datu in Yohuda.”