TAWARIKH 2 32:3 - Alkitab Singog In Mongondow Masa In Tanaa

^3-4 sia takin pogawai mita bo porwiranea mita nonantúdon kon modimpot kon tampat mita in tubig kon ḷuai in kotá takin makusud sinbá intau mita in Asyur in diá mokouḻí kon tubig aka modapotdon in mosia kon diug in Yerusalem. Nobayong totok in intau pinotabá nodimpot kon bayongan in bobayáan tubig inta moiḻig ḷumuai in kotá.

TAWARIKH 2 32:3 Referans Kwoze

AMSAL 24:6

Sin kon tungkuḷ in diápa moparang tomayá in munabí koḷutúon, bo aka mobarong in monononggina, yo modugangbí moḷoben in kamang mountung.

AMSAL 20:18

Tomayá kodapotan in roraian; tuamai, dika moḷongasi aka diápa moḷutú in tomayá.

AMSAL 15:22

Tomayá diábí motudun, aka diá muna raion kopiaan; tomayá in kodapotan, aka umuran mononggina.

SURAT I PAULUS KON JAMAAT RUM 11:34

Kon bonu in Buk Motusi ain pinais nanaa, “Ki ine in nonotaau kon raian i Tuhan? Ki ine in motaau mononggina kon i-Nia?

YESAYA 40:13

Ki ine in modia kon i Tuhan, andeka motundú kon i-Nia mobaḻí monononggina-Nea?

DATU MITA 2 20:20

Ouman ibanea kon i Datu Hizkia, kon onu mita in pinomianea inta mopia, bo naonda in pinogogaidnea kon tabang bo got in tubig sin mopoangoi in tubig kon kotá, tua komintan in pinaisdon kon bonu in buk Ouman in datu mita in Yohuda.

DATU MITA 2 18:20

Kainimu kamai dá tosingogon in motaaubí monombaḷui kon siasat bo ropot in tontara? Ki ine in pongatamu, modapot in mokobaḻíbí in iko moḷawang kon Asyur?

TAWARIKH 2 32:2

Onda in kinotaauan i Hizkia kon ki Sanherib noniatdon monubu kon Yerusalem,

NAHUM 3:14

Ponangkobdon kon tubig mobaḻí tongkaaḷmu kon dodai in iko kopungon, bo irigonaidon in bentengmu mita! Ritakaidon in yoná sin aidan tela, bo sadiadon in dodoyonannea!

TAWARIKH 2 32:30

Ki Datu Hizkia tuata inta nodimpot kon bokaká in tubig in Gihon, bo pinobayá pinongin daḷan in tubig kon ḻimonag in butá pinobayá in kotá in Yerusalem. Bayongan inta inaidan i Hizkia noḷapatbí.